2 Kings 15:8 - Pijin Deuterocanon

⁸ Long mekteti-eit yia wea King Asaraea hemi king long Jiuda, Sekaraea, san blong King Jeroboam, hemi kamap king long Israel. An hemi king long Samaria fo siks mans.

Pijin Bible

⁸ Long mekteti-eit yia wea King Asaraea hemi king long Jiuda, Sekaraea, san blong King Jeroboam, hemi kamap king long Israel. An hemi king long Samaria fo siks mans.

2 Kings 15:8 ပူးပေါင်းရင်းမြစ်များ

2 Kings 10:30

Nao Yawe hemi tok olsem long Jehu, “Yu duim finis evrisamting wea mi laekem yu fo duim long olketa long laen blong King Ehab. So, mi promisim yu olsem, fofala man long laen blong yu go kasem mekfoa jeneresin bae i kamap king blong Israel.”

2 Kings 14:21

Nao Asaraea hemi san blong Amasaea, an olketa pipol blong Jiuda i mekem hem fo kamap king. Long datfala taem hemi kasem sikstin yia.

2 Kings 14:29

Taem hemi dae, olketa berem hem long beregraon blong olketa olo blong hem, an san blong hem Sekaraea nao hemi sensim hem fo kamap king.

2 Kings 15:1

Long mektuenti-seven yia wea disfala mektu King Jeroboam hemi king long Israel, Asaraea, san blong King Amasaea, hemi kamap king long Jiuda.

2 Kings 15:13

Long mekteti-naen yia wea King Yusaea hemi king long Jiuda, Salum, san blong Jabes, hemi kamap king long Israel. Hemi king long Samaria fo wanfala mans nomoa.

2 Kings 15:17

Long mekteti-naen yia wea King Asaraea hemi king long Jiuda, Menahem, san blong Gadi, hemi kamap king long Israel. Hemi king long Samaria fo tenfala yia.

2 Kings 15:23

Long mekfifti yia wea King Asaraea hemi king long Jiuda, Pekahaea, san blong King Menahem, hemi kamap king blong Israel. Hemi king long Samaria fo tufala yia.

2 Kings 15:7

Taem hemi dae, olketa berem hem kolsap long beregraon blong olketa olfala king long Biktaon blong King Deved. An san blong hem Jotam nao hemi sensim hem fo kamap king.

2 Kings 15:9

Bat hem tu hemi duim olketa nogud samting long ae blong Yawe olsem olketa olo blong hem i duim bifoa. Hemi no lusim ravis wei blong King Jeroboam, san blong Nebat, wea bifoa hemi bin mekem pipol blong Israel fo sin.

Provebs 28:2

Taem pipol blong wanfala kantri i faetem olketa seleva, hemi garem staka bikman, bat waes man hu hemi save gud, hemi save stretem.

Hosia 1:4

Yawe hemi tok olsem long Hosia, “Yu kolem boe ya Jesreel, bikos no longtaem bae mi panisim king blong Israel. Bae mi duim disfala samting, bikos grani blong hem King Jehu hu hemi bin king long Israel bifoa, hemi kilim dae plande pipol long bikfala vali long Jesreel. Olketa long laen blong King Jehu, bae mi nao mi kilim olketa dae evriwan, an kantri ya Israel bae hemi no garem moa eni king.

Emos 7:9

Bae mi spoelem finis olketa ples fo mekem wosip wea i blong pipol blong Israel. An bae mi kilim dae evriwan wea bae i bon kam long laen blong King Jeroboam.?