2 Kings 15:38 - Pijin Deuterocanon

³⁸ Taem hemi dae, olketa berem hem long beregraon blong olketa olfala king long Biktaon blong King Deved. An san blong hem Ehas, hemi sensim hem fo kamap king.

Pijin Bible

³⁸ Taem hemi dae, olketa berem hem long beregraon blong olketa olfala king long Biktaon blong King Deved. An san blong hem Ehas, hemi sensim hem fo kamap king.

2 Kings 15:38 ပူးပေါင်းရင်းမြစ်များ

2 Samuel 7:12

Taem yu dae an olketa berem yu wetem olketa olfala grani blong yu, bae mi mekem wanfala pikinini blong yu fo kamap king. An bae mi mekem kingdom blong hem fo kamap strong.

1 Kings 1:2

So olketa bikman blong hem i tok olsem long hem, “King, hemi gud fo mifala go lukaotem wanfala yang gele wea hemi no slip wetem eniwan yet, mekem hemi kam fo stap wetem yu, an lukaftarem yu. Bae hemi save leidaon wetem yu mekem yu no kol.”

1 Kings 14:20

Jeroboam hemi king fo tuenti-tu yia long Israel. Hemi dae an olketa berem hem long grev blong olketa olo blong hem. Nao san blong hem Nadab hemi sensim hem fo kamap king.

1 Kings 14:31

Taem King Rehoboam hemi dae, olketa berem hem long grev blong olketa olfala king long Biktaon blong King Deved. Nem blong mami blong hem, hemi Naama hu hemi long laen blong Amon. Nao san blong Rehoboam, Abaeja, hemi sensim hem fo kamap king.

1 Kings 2:10

Den King Deved hemi dae, an olketa berem hem wetem olketa grani blong hem long Biktaon blong Deved.

2 Kings 16:1

Long mekseventin yia wea King Peka, san blong Remalaea, hemi king long Israel, Ehas, san blong King Jotam, hemi kamap king long Jiuda.

2 Kings 8:24

Taem Jehoram hemi dae, olketa berem hem long beregraon blong olketa olfala king long Biktaon blong King Deved. An san blong hem Ahasaea hemi sensim hem, fo kamap king.

1 Kronikols 3:13

an Ahas hemi bonem Hesekaea, an Hesekaea hemi bonem Manase, an Manase hemi bonem Amon,

2 Kronikols 27:9

Taem hemi dae, olketa berem hem long beregraon blong olketa king long Biktaon blong King Deved. An san blong hem Ehas, hemi sensim hem fo kamap king.

2 Kronikols 28:1

Long taem Ehas hemi kamap king, hemi kasem tuenti yia. An hemi king long Jerusalem fo sikstin yia. Bat hemi no falom olketa gudfala wei blong olfala grani blong hem King Deved. Ehas hemi gohed fo duim olketa samting wea i no stret long ae blong Yawe.

Matiu 1:9

an Yusaea hemi dadi blong Jotam, an Jotam hemi dadi blong Ehas, an Ehas hemi dadi blong Hesekaea,