2 Kings 11:15 - Pijin Deuterocanon

¹⁵ Prist Jehoeada hemi lukim dat maet olketa kilim kuin ya insaet long eria blong Tambuhaos blong Yawe, so hemi tok olsem long olketa komanda, “Yufala kasholem hem, an yufala goaot long olketa sekiuriti ya, an yufala tekem hem go aotsaet. An sapos eniwan hemi trae fo sevem hem, bae yufala kilim dae man ya tu.”

Pijin Bible

¹⁵ Prist Jehoeada hemi lukim dat maet olketa kilim kuin ya insaet long eria blong Tambuhaos blong Yawe, so hemi tok olsem long olketa komanda, “Yufala kasholem hem, an yufala goaot long olketa sekiuriti ya, an yufala tekem hem go aotsaet. An sapos eniwan hemi trae fo sevem hem, bae yufala kilim dae man ya tu.”

2 Kings 11:15 ပူးပေါင်းရင်းမြစ်များ

2 Kings 11:14

Den hemi lukim king ya hemi stanap kolsap long bikfala pos long doa blong Tambuhaos ya. Hem nao ples blong king long kastom blong olketa. Olketa komanda i stanap raonem hem, an olketa man fo bloum trampet i gohed fo bloum olketa trampet. An evriwan i singaot bikfala, bikos olketa hapi fogud. Nao Kuin Atalaea hemi filnogud tumas, so hemi brekem kaleko blong hem. An hemi singaot olsem, “!Olketa agri nogud fo aotem mi! !Olketa agri nogud fo aotem mi!”

2 Kings 11:16

So olketa kasholem hem, an olketa tekem hem go long geit wea olketa hos go insaet long ples blong king. An olketa kilim hem dae long dea.

2 Kings 11:4

Oraet, long mekseven yia blong hem, Prist Jehoeada hemi sendem toktok go long olketa komanda blong spesol sekiuriti an blong olketa sekiuriti blong haos blong kuin, mekem olketa kam long Tambuhaos blong Yawe. An hemi mekem wanfala spesol agrimen wetem olketa, an hemi mekem olketa fo mekem strongfala promis long dea. Den hemi som san blong king ya long olketa.

2 Kronikols 23:14

Prist Jehoeada hemi lukim dat maet olketa kilim kuin ya insaet long eria blong Tambuhaos blong Yawe, so hemi tok olsem long olketa komanda, “Yufala kasholem hem, an yufala goaot long olketa sekiuriti ya, an yufala tekem hem go aotsaet. An sapos eniwan hemi trae fo sevem hem, bae yufala kilim dae man ya tu.”

2 Kronikols 23:9

Den Prist Jehoeada hemi tekem olketa spia an olketa bikfala sil an olketa smolfala sil blong King Deved bifoa, wea olketa kipim long Tambuhaos blong God. An hemi givim long olketa komanda ya.

Eksodas 21:14

Bat sapos wanfala man hemi mekem plan wea hemi kilim dae narafala man, nomata hemi ranawe kam fo haed long olta blong mi, yufala mas tekem hem aot, an kilim hem dae.

Esikiel 21:14

“So, man blong graon, yu mas talemaot disfala profesi, an somaot dat mi kros tumas long olketa. Bae disfala naef hemi gohed nomoa fo katem olketa pipol. Ya, bae hemi kam long mektu taem an long mektri taem. Hem nao naef fo kilim man dae, wea hemi kam fo kilim olketa dae long evri saet.

Esikiel 9:7

Yawe hemi tok moa olsem long olketa, “Yufala mas mekem Tambuhaos fo kamap no klin long ae blong mi ya, an fulumapem olketa eria insaet, long ded bodi blong olketa. !Oraet, yufala go nao!” So, olketa go nao fo kilim dae olketa pipol long taon ya.

Aposol 21:30

Disfala trabol ya hemi barava go kasem evriwea long biktaon ya, an olketa pipol resis kam an hipap long eria ya nao. Olketa holemstrong Pol, an olketa pulum hem goaot from Tambuhaos ya. An semtaem olketa satem olketa doa long Tambuhaos ya nao.