2 Kings 10:9 - Pijin Deuterocanon

⁹ Long moning, hemi go long geit ya, an hemi tok olsem long olketa man blong taon ya, “Yufala no fraet, yufala no fit fo panis long samting ya. Mi nao mi mekem plan fo agensim King Joram, an mi kilim hem dae. ?Bat hu nao hemi kilim dae olketa ya? !I no mi nomoa!

Pijin Bible

⁹ Long moning, hemi go long geit ya, an hemi tok olsem long olketa man blong taon ya, “Yufala no fraet, yufala no fit fo panis long samting ya. Mi nao mi mekem plan fo agensim King Joram, an mi kilim hem dae. ?Bat hu nao hemi kilim dae olketa ya? !I no mi nomoa!

2 Kings 10:9 ပူးပေါင်းရင်းမြစ်များ

2 Kings 10:6

Den Jehu hemi raetem narafala leta go long olketa moa. Hemi tok olsem, “Distaem mi stap long Jesreel. Sapos hemi tru wea yufala long saet blong mi, an yufala hapi fo duim enisamting wea bae mi talem, oraet, tumoro long disfala taem yufala mas tekem kam long mi olketa hed blong olketa san long laen blong masta blong yufala.” Olketa seventi yangman ya i stap long han blong olketa lida blong taon long Samaria.

2 Kings 10:8

Taem olketa karim go olketa hed ya long Jesreel, wanfala man kam talem King Jehu. Den hemi tok olsem long olketa man blong hem, “Putum olketa hed ya long tufala hip aotsaet long geit blong wolston. An bae olketa save stap long dea go kasem moning long tumoro.”

Aesaea 5:3

Man ya wea mi lavem tumas hemi tok olsem, “!Olketa pipol blong Jerusalem wetem olketa pipol blong Jiuda! Yufala jajem mi wetem disfala plantesin blong mi fo faendemaot hu nao hemi rong.

Hosia 1:4

Yawe hemi tok olsem long Hosia, “Yu kolem boe ya Jesreel, bikos no longtaem bae mi panisim king blong Israel. Bae mi duim disfala samting, bikos grani blong hem King Jehu hu hemi bin king long Israel bifoa, hemi kilim dae plande pipol long bikfala vali long Jesreel. Olketa long laen blong King Jehu, bae mi nao mi kilim olketa dae evriwan, an kantri ya Israel bae hemi no garem moa eni king.

1 Samuel 12:3

Mi stanap wetem yufala nao, so sapos yufala ting olsem mi bin mekem enisamting wea hemi no stret, yufala mas tok long mi distaem long ae blong Yawe an long ae blong king wea hemi bin siusim. Sapos mi bin stilim buluka, o dongki blong eniwan, o mi bin ravem eniwan fo stilim samfala samting blong hem, o mi bin mekful long eniwan, o mi bin tekem seleni long eniwan fo haedem rong blong hem, hemi gud yufala talemaot, mekem mi stretem. Sapos mi bin mekem wanfala samting olsem, distaem bae mi givimbaek samting wea bin mi tekem.”