2 Kings 10:31 - Pijin Deuterocanon

³¹ Bat King Jehu hemi no barava falom gudfala olketa lo blong Yawe, God blong Israel. Hem nao hemi no lusim ravis wei blong King Jeroboam bifoa, an hemi lidim pipol blong Israel fo wosipim tufala tambu kaving long man buluka yet.

Pijin Bible

³¹ Bat King Jehu hemi no barava falom gudfala olketa lo blong Yawe, God blong Israel. Hem nao hemi no lusim ravis wei blong King Jeroboam bifoa, an hemi lidim pipol blong Israel fo wosipim tufala tambu kaving long man buluka yet.

2 Kings 10:31 ပူးပေါင်းရင်းမြစ်များ

1 Kings 14:16

Yawe bae hemi lego long yumi, bikos King Jeroboam hemi mekem sin, an hemi lidim yumi tu fo mekem sin.”

1 Kings 2:4

Sapos yu obeim Yawe, bae hemi duim wanem hemi bin promisim long mi bifoa olsem, ‘Sapos olketa hu bae i bon kam long laen blong yu i barava obeim mi long laef an tingting blong olketa, evritaem wanfala man long olketa nao bae hemi king long Israel.’

2 Kings 10:29

Bat Jehu hemi no lusim ravis wei blong King Jeroboam, san blong Nebat. Jeroboam ya hemi bin wakem tufala tambu kaving blong man buluka long gol. Hemi putum wanfala long Betel an narawan long Dan, an hemi bin lidim olketa pipol blong Israel fo wosipim tufala.

2 Kings 17:22

Olketa bin gohed fo falom ravis wei blong Jeroboam. Oltaem olketa gohed fo duim evri nogud samting ya,

2 Kings 3:3

Nomata olsem, hemi falom olketa nogud wei blong King Jeroboam, san blong Nebat, bifoa wea hemi bin mekem pipol blong Israel fo sin.

2 Kronikols 6:16

“Lod Yawe, God blong Israel, plis yu kipim narafala promis wea yu bin mekem long wakaman blong yu, Deved hu hemi dadi blong mi. Yu bin promisim hem dat bae olketa long laen blong hem i save kamap king olowe long Israel sapos olketa barava falom olketa lo blong yu olsem hemi obeim yu.

Nehemaea 10:29

mifala nao joen tugeta wetem olketa bikman ya blong mifala fo mekem disfala barava strong promis. Sapos mifala no kipim promis ya, letem bikfala trabol hemi kasem mifala. “Mifala promis fo falom lo blong God wea hemi givim long Mosis hu hemi wakaman blong hem, an mifala promis fo obeim evri strong toktok an evri rul wea God hemi talemaot long disfala lo.

Sams 119:9

Lod Yawe, olketa yanga mas obeim olketa strongfala toktok blong yu, mekem olketa save kipim laef blong olketa stret.

Sams 39:1

Mi bin tok olsem, “Mi mas lukaot gudfala fo no talem eni toktok wea hemi no stret. An mi mas no letem maos blong mi fo mekem mi sin. Taem olketa nogud pipol i stap kolsap long mi, bae mi no tokabaotem trabol blong mi.”

Sams 78:10

Olketa ya i brekem agrimen wea God hemi bin mekem wetem olketa, an olketa les tu fo obeim olketa lo blong hem.

Provebs 4:23

Kontrolem tingting long haat blong yu, laef blong yu hemi kamaot long hem.

Esikiel 36:27

Bae mi putum spirit blong mi long yufala, an bae mi helpem yufala fo falom olketa lo blong mi, an kipim olketa strongfala toktok wea mi bin givim long yufala.

Daniel 9:10

Lod Yawe, yu nao yu God blong mifala. Yu bin talem finis long mifala wea mifala mas falom olketa lo wea yu bin givim long mifala long toktok blong olketa profet hu i wakaman blong yu, bat mifala nao i nating obeim yu.

Diutronomi 4:15

Mosis hemi gohed fo tok olsem, “Long taem wea Yawe hemi toktok kam long olketa olo blong yufala insaet long faea long maonten long Horeb, olketa nating lukim hem long enisamting bat olketa herem nomoa toktok blong hem. So yufala mas keakea,

Diutronomi 4:23

Yufala mas lukaot. Nogud yufala fogetem Tambu Agrimen blong Yawe wea hemi bin mekem wetem yufala. Nogud yufala fogetem wea hemi tambu fo yufala wakem eni kaving fo wosipim.

Diutronomi 5:33

Yufala mas obeim olketa evriwan ya. An sapos yufala duim olsem, laef blong yufala bae hemi save gud tumas, an bae yufala save stap longtaem long lan wea bae yufala tekova long hem.”

Hibrus 12:15

Yufala mas lukaot gud, mekem no eniwan long yufala hemi tanem baeksaet blong hem long kaenfala lav blong God ya. Nogud eniwan long yufala hemi kamap olsem wanfala poesen tri wea hemi save mekem plande pipol fo nogud.

Hibrus 2:1

Dastawe nao yumi mas lisin gudfala moa long olketa toktok ya wea yumi herem finis, nogud yumi lus from tru wei an go-go olobaot.