2 Kings 10:30 - Pijin Deuterocanon

³⁰ Nao Yawe hemi tok olsem long Jehu, “Yu duim finis evrisamting wea mi laekem yu fo duim long olketa long laen blong King Ehab. So, mi promisim yu olsem, fofala man long laen blong yu go kasem mekfoa jeneresin bae i kamap king blong Israel.”

Pijin Bible

³⁰ Nao Yawe hemi tok olsem long Jehu, “Yu duim finis evrisamting wea mi laekem yu fo duim long olketa long laen blong King Ehab. So, mi promisim yu olsem, fofala man long laen blong yu go kasem mekfoa jeneresin bae i kamap king blong Israel.”

2 Kings 10:30 ပူးပေါင်းရင်းမြစ်များ

1 Kings 20:42

Den profet ya hemi sei long hem, “Yawe nao hemi tok olsem, ‘Mi talem finis dat King Ben-Hadad mas dae. Bat yu letem hem laef, so bae yu mas dae fo sensim laef blong hem. An olketa pipol blong yu tu bae olketa dae fo sensim laef blong pipol blong hem.’ ”

1 Kings 21:22

Yu bin mekem mi kros tumas, an mekem olketa pipol blong Israel fo sin tu. So laen blong yu bae i dae olsem laen blong King Jeroboam, san blong Nebat. An laen blong yu bae hemi lus olsem laen blong King Baasa, san blong Ahaeja.’

1 Kings 21:29

“?Waswe, yu lukim wei wea King Ehab hemi hambol distaem? Bikos hemi mekem hem seleva lou long ae blong mi, bae mi no mekem trabol fo kasem hem taem hemi laef yet. Bat bae mi mekem trabol fo kasem laen blong hem long taem wea pikinini blong hem hemi king.”

2 Kings 13:1

Long mektuenti-tri yia wea King Joas, san blong King Ahasaea, hemi king long Jiuda, Jehoahas, san blong King Jehu, hemi kamap king long Israel. Hemi king long Samaria fo seventin yia.

2 Kings 13:10

Long mekteti-seven yia wea King Joas hemi king long Jiuda, Jehoas, san blong King Jehoahas, hemi kamap king long Israel. Hemi king long Samaria fo sikstin yia.

2 Kings 14:23

Long mekfiftin yia wea King Amasaea hemi king long Jiuda, Jeroboam, san blong King Jehoas, hemi kamap king long Israel. Hemi king long Samaria fo foti-wan yia.

2 Kings 14:29

Taem hemi dae, olketa berem hem long beregraon blong olketa olo blong hem, an san blong hem Sekaraea nao hemi sensim hem fo kamap king.

Hosia 1:4

Yawe hemi tok olsem long Hosia, “Yu kolem boe ya Jesreel, bikos no longtaem bae mi panisim king blong Israel. Bae mi duim disfala samting, bikos grani blong hem King Jehu hu hemi bin king long Israel bifoa, hemi kilim dae plande pipol long bikfala vali long Jesreel. Olketa long laen blong King Jehu, bae mi nao mi kilim olketa dae evriwan, an kantri ya Israel bae hemi no garem moa eni king.

Levitikas 26:25

Bae mi letem faet kasem ples blong yufala, fo panisim yufala bikos yufala bin brekem agrimen wea mi mekem wetem yufala. An sapos yufala ranawe go haed long olketa sefples long taon blong yufala, bae mi sendem go enikaen ravis sik fo kasem yufala, an bae mi givim yufala go long olketa enemi blong yufala.