2 Jon 1:5 - Pijin Deuterocanon

⁵ Gudfala woman, mi wande talem yu dat yumi mas lavem yumi evriwan. Disfala lo hemi no niufala lo wea mi raetem fo yufala. Nomoa. Stat kam bifoa, yumi save finis long diswan.

Pijin Bible

⁵ Gudfala woman, mi wande talem yu dat yumi mas lavem yumi evriwan. Disfala lo hemi no niufala lo wea mi raetem fo yufala. Nomoa. Stat kam bifoa, yumi save finis long diswan.

2 Jon 1:5 ပူးပေါင်းရင်းမြစ်များ

Gudnius abaotem Jisas Kraes wea Jon hemi raetem 15:12

Jisas hemi tok olsem moa, “Lo blong mi nao hemi olsem, yufala mas lavem yufala evriwan olsem mi lavem yufala tu.

Gudnius abaotem Jisas Kraes wea Jon hemi raetem 15:17

So hem nao lo blong mi fo yufala ya, yufala mas lavem yufala evriwan.

Galesia 5:22

Bat olketa gudfala wei blong Holi Spirit nao hemi mekem man fo lavem evriwan, an fo barava hapi, an fo garem piis, an fo stap wiling fo weit nomoa, an fo kaen long pipol, an fo somaot gudfala wei, an fo kipim promis olowe,

Efesas 5:2

Lav nao hemi mas bikfala long laef blong yufala, olsem Kraes hemi lavem yumi an hemi bin letem hem seleva fo dae fo helpem yumi. Hemi olsem wanfala sakrifaes wea hemi smel naes tumas wea God hemi save hapi tumas long hem.

1 Tesalonaeka 4:9

Bae mifala no raetem enisamting moa abaotem wei fo lavem olketa Kristin fren, bikos God hemi tisim yufala finis fo lavem yufala evriwan.

Hibrus 13:1

Yufala mas gohed nomoa fo lavem yufala evriwan olsem olketa brata an sista.

1 Pita 4:8

Wanfala samting yufala mas duim wea hemi impoten winim evri narasamting, hemi fo lavem yufala evriwan long gudfala wei. Bikos disfala wei fo lavem evriwan, hemi save mekem yufala fo fogivim yufala evriwan tu.

2 Pita 1:7

An yufala mas kaen long olketa Kristin olsem olketa i brata blong yufala, an yufala mas lavem evriwan.

1 Jon 3:11

Toktok wea yufala bin herem kam fastaem, hemi sei yumi mas lavem yumi evriwan.

1 Jon 3:23

Lo blong hem hemi sei yumi mas biliv long San blong hem Jisas Kraes, an yumi mas lavem yumi evriwan olsem Kraes hemi talem finis.

1 Jon 4:20

Sapos eniwan hemi sei hemi lavem God, bat hemi heitem nara Kristin, man ya hemi laea. ?Sapos hemi no lavem nara Kristin wea hemi save lukim, hao nao hemi save lavem God hu hemi no save lukim?

2 Jon 1:1

Mi lida long sios, mi raet go long yu gudfala woman wetem olketa pikinini blong yu. Mi lavem yufala tumas. Hemi no mi seleva nomoa, bat evriwan hu i save long tru toktok nao, olketa lavem yufala.