1 Tesalonaeka 3:6 - Pijin Deuterocanon

⁶ Bat distaem Timoti hemi kambaek nao long mifala, an hemi talem dat biliv blong yufala hemi strong an yufala barava lavem tumas olketa pipol. An hemi talem tu dat yufala hapi tumas taem yufala tingim mifala, an yufala laekem tumas fo lukim mifala, olsem mifala tu wande lukim yufala.

Pijin Bible

⁶ Bat distaem Timoti hemi kambaek nao long mifala, an hemi talem dat biliv blong yufala hemi strong an yufala barava lavem tumas olketa pipol. An hemi talem tu dat yufala hapi tumas taem yufala tingim mifala, an yufala laekem tumas fo lukim mifala, olsem mifala tu wande lukim yufala.

1 Tesalonaeka 3:6 ပူးပေါင်းရင်းမြစ်များ

Provebs 25:25

Gudnius from ples farawe, hemi olsem kolwata long man i dae long wata.

Aesaea 52:7

(Profet) Hemi gud tumas fo lukim man fo tekem mesij, hemi katkros kam long olketa maonten. Hem nao hemi tekem kam gudnius, an hemi talemaot nius long piis. Hemi talemaot olketa gudnius wea bae God hemi sevem yumi. Bae hemi kam long Saeon, an hemi tok olsem long yumi, “!God blong yufala nao hemi King!”

Aposol 16:1

Pol an Saelas tufala go kasem taon long Debe, an bihaen, tufala go moa long taon long Listra, wea wanfala Kristin, nem blong hem Timoti nao, hemi stap. Mami blong man ya hemi wanfala Jiu hu hemi Kristin, bat dadi blong hem hemi man blong Grik.

Aposol 18:1

Bihaen diswan, Pol hemi lusim Atens an hemi go moa long taon long Korin.

Aposol 18:5

An taem Saelas an Timoti tufala lusim Masedonia an kamdaon joenem Pol, Pol hemi stat fo talemaot disfala Gudnius long evri de nomoa. Hemi gohed fo talemaot gud long olketa Jiu wea Jisas nao hemi disfala Mesaea.

1 Korin 11:2

Mi tokhae long yufala bikos yufala no fogetem olketa wei blong mi an yufala barava falom disfala Kristin tising wea mi bin herem an mi givim go long yufala.

1 Korin 13:13

So trifala samting ya nao hemi stap olowe, wei fo biliv an wei fo trastem promis blong God an wei fo lavem evriwan. Bat lav nao hemi barava nambawan long trifala ya.

Galesia 5:6

Bikos taem eniwan hemi joen finis wetem Jisas Kraes, sapos man hemi kate o hemi no kate hemi samting nating nomoa ya. Bat bikfala samting nao hemi wei blong biliv wea hemi soaot long lav.

Filipae 1:8

God hemi luksave dat mi lavem yufala tumas long sem wei wea Jisas Kraes hemi lavem yufala.

Kolosi 1:4

Bikos mifala bin herem nius finis wea yufala biliv strong long Jisas Kraes an wea yufala lavem tumas evriwan long olketa pipol blong God.

Kolosi 4:18

Mi Pol nao mi raetem disfala halo long yufala long han blong mi seleva. Plis yufala mas tingim mi wea mi stap insaet long prisin. Letem kaenfala lav blong God hemi stap wetem yufala.

1 Tesalonaeka 1:3

Evritaem mifala prea long God Dadi blong yumi, mifala tingim olketa gudfala wei wea yufala bin falom bikos yufala biliv long Jisas, an hadwaka wea yufala bin duim bikos yufala lavem God tumas. An mifala tingim tu hao yufala stanap strong olowe from yufala trastem Jisas Kraes Masta blong yumi.

1 Tesalonaeka 2:17

Olketa Kristin fren, taem olketa pipol i fosim mifala fo goaot from yufala, no longtaem mifala barava laekem tumas fo lukim yufala moa. Hemi tru ya, bodi blong mifala nomoa hemi lusim yufala, bat tingting blong mifala hemi stap wetem yufala yet. Mifala tingim yufala tumas an mifala laek fo lukim yufala moa.

1 Tesalonaeka 2:9

Olketa Kristin fren, taem mifala stap wetem yufala, yufala save finis dat mifala wakahad tumas fo talemaot Gudnius blong God. Oltaem, nomata long de o naet, mifala gohed fo wakahad, mekem yufala no garem trabol tumas fo fidim mifala.

1 Tesalonaeka 3:7

Olketa Kristin fren, taem plande trabol kasem mifala an mifala safa tumas, disfala gudfala nius abaotem biliv blong yufala hemi strongim moa tingting blong mifala.

2 Tesalonaeka 1:3

Olketa Kristin fren, oltaem nomoa mifala talem tengkiu long God fo yufala evriwan. An hemi gud fo mifala duim olsem, bikos oltaem nomoa biliv blong yufala hemi gohed fo grou strong moa, an lav wea yufala garem fo evriwan hemi gohed fo bikfala moa.

1 Timoti 1:5

Nao sapos olketa falom disfala toktok blong mi ya, bae olketa save garem lav wea hemi kamaot long klin an stretfala laef an long barava trufala biliv.

2 Timoti 1:3

Mi tengkiu long God wea mi waka fo hem wetem stretfala tingting, olsem olketa olo blong mi long bifoa olketa duim tu. Oltaem mi prea, nomata naet, mi save tingim yu an mi tengkiu long God.

Filimon 1:5

Bikos mi herem oltaem wea yu lavem tumas olketa pipol blong God an wea yu biliv strong long Jisas Masta blong yumi.

Hibrus 13:3

Yufala mas tingim olketa hu i stap insaet long prisin, olsem yufala seleva stap insaet long prisin wetem olketa tu. An yufala mas tingim olketa hu i safa, olsem yufala seleva i safa tu.

Hibrus 13:7

Yufala tingimbaek olketa lida blong yufala bifoa, hu i talemaot toktok blong God long yufala. Yufala tingting long gudfala wei blong laef blong olketa go-go olketa dae, an yufala mas falom gud disfala wei blong biliv blong olketa.

1 Jon 3:23

Lo blong hem hemi sei yumi mas biliv long San blong hem Jisas Kraes, an yumi mas lavem yumi evriwan olsem Kraes hemi talem finis.