1 Samuel 30:24 - Pijin Deuterocanon

²⁴ !No eniwan hemi save agri long toktok wea yufala talem! Evri man mas tekem semsem long olketa samting ya. Hem olsem, nomata man wea i bin stap fo lukaftarem evrisamting blong yumi, o man wea i bin go fo faet, olketa evriwan mas tekem semsem samting.”

Pijin Bible

²⁴ !No eniwan hemi save agri long toktok wea yufala talem! Evri man mas tekem semsem long olketa samting ya. Hem olsem, nomata man wea i bin stap fo lukaftarem evrisamting blong yumi, o man wea i bin go fo faet, olketa evriwan mas tekem semsem samting.”

1 Samuel 30:24 ပူးပေါင်းရင်းမြစ်များ

Sams 68:12

“Olketa king wetem olketa soldia blong olketa i ranawe nao.” Nao olketa woman wea i stap long hom i divaedem olketa samting wea olketa man i winim kam long faet.

Nambas 31:27

An yufala mas divaedem olketa samting ya long tufala haf. Haf hemi blong olketa hu i go long faet, an narafala haf bae hemi blong olketa hu i stap.

1 Samuel 22:2

An olketa man hu i trabol, o i garem kaon wea i no save peim, o olketa hu i kros long samting, olketa tu kam joenem hem. Long wei olsem, Deved hemi kamap lida long 400 pipol.

1 Samuel 25:13

So hemi tok olsem long olketa man blong hem, “!Yufala mas tekem naef fo faet blong yufala!” So olketa evriwan i go duim nao. An hem tu hemi taetem strap blong hem an hangem naef fo faet blong hem. Den hemi letem 200 man fo lukaftarem evrisamting blong olketa, an hemi tekem 400 man wetem hem.

1 Samuel 30:23

Bat Deved hemi toktok long olketa olsem, “!Olketa brata! !Yufala no save mekem olsem long olketa samting wea Yawe hemi givim long yumi! Hemi gadem yumi, an hemi helpem yumi fo winim olketa man wea i bin spoelem ples blong yumi.

1 Samuel 30:25

So Deved hemi mekem lo ya, an stat long datfala taem, olketa falom lo olowe long Israel, ka-kam kasem tude.