1 Samuel 29:10 - Pijin Deuterocanon

¹⁰ Dastawe, tumoro long eli moning, taem hemi delaet, yu an olketa soldia blong yu mas goaot from disfala ples.”

Pijin Bible

¹⁰ Dastawe, tumoro long eli moning, taem hemi delaet, yu an olketa soldia blong yu mas goaot from disfala ples.”

1 Samuel 29:10 ပူးပေါင်းရင်းမြစ်များ

Jenesis 22:14

Nao hemi kolem ples ya long “Yawe hemi gohed fo givim evrisamting.” Dastawe, kam kasem tude, olketa pipol i gohed fo talem olsem, “Antap long maonten blong Yawe, hemi gohed fo givim wanem yumi nidim.”

1 Kronikols 12:19

Long taem Deved hemi bin joenem olketa king blong Filistia fo go faetem King Sol, samfala man long traeb blong Manase i bin kam fo joenem hem. Bat olketa king blong Filistia i fraet, nogud Deved hemi laea long olketa, an putum olketa long han blong king Sol, so olketa sendem hemi gobaek long Siklag, mekem hemi no duim enisamting fo helpem olketa.

1 Kronikols 12:22

Evri de nomoa, olketa man i kam fo joenem Deved, go-go ami blong hem hemi garem plande soldia, an hemi strong olsem ami blong God.

1 Korin 10:13

Evrisamting wea hemi kam fo traem yufala ya, hemi diskaen samting wea hemi save kasem eni pipol nomoa ya. An God hemi save kipim promis olowe, so bae hemi no letem enisamting fo traem yufala wea hemi save winim paoa blong yufala. Bikos taem enisamting hemi traem yufala, bae God hemi helpem yufala fo gohed fo stanap strong, mekem yufala save faendem wei fo win.

2 Pita 2:9

Olketa samting ya nao somaot dat olketa pipol hu i biliv long Masta, bae hemi save sevem olketa from olketa hadtaem wea i kam fo traem olketa. Bat bae hemi save panisim olketa hu i no stret, go-go kasem taem wea hemi jajem evriwan.

1 Samuel 29:11

So neks de, long eli moning, Deved wetem olketa man blong hem i gobaek long Filistia, bat ami blong Filistia i go long Jesreel Vali.