1 Samuel 26:13 - Pijin Deuterocanon

¹³ Nao Deved hemi katkros long vali an stanap narasaet go antap long hil wea no eniwan save kasem hem.

Pijin Bible

¹³ Nao Deved hemi katkros long vali an stanap narasaet go antap long hil wea no eniwan save kasem hem.

1 Samuel 26:13 ပူးပေါင်းရင်းမြစ်များ

Jajis 9:7

Taem Jotam hemi herem nius abaotem disfala samting, hemi go long maonten long Gerisim, an singaot bikfala olsem, “!Olketa pipol blong Sekem! !Yufala lisin kam long mi! Sapos yufala lisin long mi, maet God hemi lisin long yufala.

1 Samuel 24:8

Den Deved hemi kamaot bihaen long hem, an singaot go olsem, “!Ei King, masta blong mi!” Taem Sol hemi lukbaek, Deved hemi nildaon an hemi baodaon go-go fes blong hem kasem graon fo mekhae long hem.

1 Samuel 26:12

Den hemi tekem spia wetem botol wata wea hemi stap kolsap long hed blong Sol, an tufala goaot from olketa. An no eniwan i wekap an lukim tufala o save long samting ya, bikos Yawe hemi mekem olketa evriwan i barava dip slip.

1 Samuel 26:14

An hemi singaot bikfala long Abna an ami blong king olsem, “!Abna! ?Yu save herem mi kam?” Abna hemi singaot olsem, “!Sei! ?Hu nao hemi kol kam? !Yu wekapem king ya!”