1 Samuel 25:19 - Pijin Deuterocanon

¹⁹ Den hemi tok olsem long olketa wakaman blong hem, “!Oraet, yumi go! Yufala go fastaem, an mi bihaen.” Nao olketa go, bat hemi no talem hasban blong hem.

Pijin Bible

¹⁹ Den hemi tok olsem long olketa wakaman blong hem, “!Oraet, yumi go! Yufala go fastaem, an mi bihaen.” Nao olketa go, bat hemi no talem hasban blong hem.

1 Samuel 25:19 ပူးပေါင်းရင်းမြစ်များ

Jenesis 32:16

Hemi divaedem olketa go long faefala grup, an hemi putum faefala wakaman fo lukaftarem olketa grup ya evriwan, wea wanfala man fo wanfala grup. Nao hemi tok olsem long olketa, “Oraet, yufala go fastaem, bat yufala no wakabaot tugeta. Grup blong olketa nanigot bae hemi go fastaem, an grup blong olketa sipsip bae hemi weit lelebet, nao hemi jes go bihaen, an trifala narafala grup ya bae olketa falom olsem tu.”

Jenesis 32:19

An hemi talem sem toktok ya moa long olketa fofala wakaman ya wea i gohed fo lukaftarem olketa narafala animol ya. Hemi tok olsem, “Sapos yufala mitim brata blong mi ya, yufala evriwan mas talem sem toktok ya nomoa.

Jenesis 32:20

An yufala mas no fogetem fo tok olsem, ‘Wakaman blong yu Jekob, hemi gohed fo ka-kam bihaen long mifala, an no longtaem bae hemi kasem hia.’” Jekob hemi gohed fo tingting olsem, “Sapos mi sendem olketa presen ya fo go fastaem, maet hemi mekem tingting blong hem kamap gudfala lelebet long mi. Nao bihaen, taem wea bae mi lukim hem, maet hemi hapi fo lukim mi.”

Jenesis 32:21

So hemi sendem olketa presen ya fo go fastaem, bat hemi stap nomoa long ples ya long naet ya.

Provebs 31:27

Oltaem nomoa hemi bisi, an hemi barava lukaftarem famili blong hem.

1 Samuel 14:1

Long datfala taem, King Sol hemi go putumap haostent blong hem kolsap long botom blong wanfala frut tri long Migron, kolsap nomoa long Gibea. An hemi garem samting olsem 600 soldia i stap wetem hem long ples ya. An wanfala prist wea nem blong hem Ahaeja, hemi stap wetem hem. Hemi san blong Ahitub hu hemi brata blong Ikabod. Dadi blong Ahitub an Ikabod hemi Finehas, hu hemi san blong Ilae, disfala prist blong Yawe long Saelo bifoa. Ahaeja ya hemi karim disfala tambu efod fo save long olketa ansa blong Yawe. Wanfala de, Jonatan hemi tok olsem long soldia wea hemi karim olketa samting blong hem fo faet, “Yu kam. Bae yumitufala go lukim olketa soldia blong Filistia wea i stopem rod long Mikmas.” Bat hemi nating talem long dadi blong hem, an olketa soldia tu i no save dat hemi go.

1 Samuel 25:20

Hemi go raon long saet blong hil, bat wea, hemi seke long Deved wetem olketa man blong hem i kam.

1 Samuel 25:36

Nao Abigeil hemi gobaek long Nabal. Hemi stap long haos an hemi mekem fist yet. Fist ya hemi barava olsem wanfala fist blong king. Nabal hemi fuldrang, an hemi no wari long enisamting, so Abigeil hemi no talem enisamting long hem long naet ya.