1 Samuel 18:18 - Pijin Deuterocanon

¹⁸ Bat Deved hemi tok olsem long Sol, “Mi no fit fo tekem dota blong yu, bikos laen blong mi i samting nating nomoa long Israel an mi no bikman tu.”

Pijin Bible

¹⁸ Bat Deved hemi tok olsem long Sol, “Mi no fit fo tekem dota blong yu, bikos laen blong mi i samting nating nomoa long Israel an mi no bikman tu.”

1 Samuel 18:18 ပူးပေါင်းရင်းမြစ်များ

2 Samuel 7:18

Den King Deved hemi go long tambu haostent an hemi sidaon long frant long Tambu Boks blong God. Nao hemi prea olsem, “Lod Yawe, mi an olketa famili blong mi i samting nating nomoa, nomata olsem, yu bin gud tumas long mi.

1 Kings 4:15

Ahimaas, hemi lukaftarem distrik blong Naftali. Man ya hemi maritim Basemat, narafala dota blong King Solomon.

Eksodas 3:11

Mosis hemi tok olsem, “Bat mi barava olsem samting nating nomoa long ae blong king. An fo tekemaot olketa pipol blong Israel from Ijip, mi barava no fitim nao.”

Provebs 15:33

Man hemi tinghae long Yawe, bae hemi kamap waes. Hambol fastaem, biknem bihaen.

Provebs 18:12

Haat praod fastaem, foldaon bihaen Hambol fastaem, biknem bihaen.

Jeremaea 1:6

Mi tok olsem, “Bat Lod Yawe, mi yang tumas yet an mi no save toktok gudfala.”

Stori abaotem Rut 2:10

Nao Rut hemi baodaon long hem, go-go fes blong hem hemi godaon kasem graon, an hemi tok olsem, “Maewat, mi wanfala strensa nomoa long ples ya, bat yu barava kaen tumas fo luksave long mi.”

1 Samuel 18:23

Den olketa go talem toktok ya long hem, bat hemi tok olsem, “!Ei! ?Yufala tingse hemi wanfala smol samting fo man hemi tekem dota blong king? !Mi puaman nomoa, an mi no garem biknem! !Samting ya hemi bik tumas fo mi!”

1 Samuel 9:21

Nao Sol hemi tok olsem, “?Waswe nao yu talem toktok ya long mi? Mi blong traeb blong Benjamin, an traeb blong mifala hemi smol fogud long olketa traeb. An laen blong mi, hemi barava smol fogud long traeb blong Benjamin.”