1 Samuel 14:16 - Pijin Deuterocanon

¹⁶ Long datfala taem, olketa sekiuriti blong King Sol long Gibea i lukim dat olketa soldia blong Filistia i ra-ran krangge olobaot bikos olketa fraet tumas an konfius.

Pijin Bible

¹⁶ Long datfala taem, olketa sekiuriti blong King Sol long Gibea i lukim dat olketa soldia blong Filistia i ra-ran krangge olobaot bikos olketa fraet tumas an konfius.

1 Samuel 14:16 ပူးပေါင်းရင်းမြစ်များ

Sams 58:7

Letem olketa lus olsem wata wea hemi kapsaet go insaet long sanbis. Ya, letem olketa i olsem gras long rod wea olketa man i gohed fo step long hem go-go hemi dae.

Sams 68:2

Hemi gud tumas sapos God hemi ronemaot olketa ya, olsem smok wea win hemi bloum go. Ya, hemi gud tumas sapos olketa enemi ya i lus finis long ae blong God, olsem kandol wea hemi kamap olsem wata nating insaet long bikfala faea.

Aesaea 19:2

Yawe hemi tok olsem, “Bae mi mekem olketa pipol long Ijip fo faetem olketa seleva. An bae pipol i faetem olketa wantok blong olketa seleva. An tufala man long sem ples bae i faetem tufala seleva. Bae olketa pipol blong wanfala taon i faet agensim olketa pipol blong narafala taon. Bae olketa pipol blong wanfala provins i faet agensim olketa pipol blong narafala provins.

1 Samuel 14:15

Den olketa deferen seksin long ami blong Filistia i fraet fogud, nomata olketa go faet o olketa stap long olketa haostent, olketa seke tumas. Bihaen, graon hemi seksek, an God hemi mekem olketa barava fraet fogud an konfius.

1 Samuel 14:17

Den Sol hemi tok olsem long olketa soldia blong hem, “Yufala go kaontem olketa soldia blong yumi, mekem yumi save hu nao hemi no stap long hia.” An taem olketa kaontem, olketa faendem olsem Jonatan wetem yangfala soldia wea hemi karim samting fo faet blong hem, tufala no stap.

1 Samuel 14:20

Den hem wetem olketa soldia blong hem i go fo faetem ami blong Filistia. Bat wea, olketa blong Filistia i konfius tumas an gohed fo ki-kilim olketa seleva.