1 Samuel 12:2 - Pijin Deuterocanon

² An distaem, hemi stap wetem yufala fo lidim yufala. !Bat yufala lukim nao! Mi olo finis. Hea blong mi hemi waet, an tufala san blong mi i bikfala finis. Mi bin lidim yufala longtaem, stat long taem wea mi yangfala, kam kasem tude.

Pijin Bible

² An distaem, hemi stap wetem yufala fo lidim yufala. !Bat yufala lukim nao! Mi olo finis. Hea blong mi hemi waet, an tufala san blong mi i bikfala finis. Mi bin lidim yufala longtaem, stat long taem wea mi yangfala, kam kasem tude.

1 Samuel 12:2 ပူးပေါင်းရင်းမြစ်များ

Sams 71:18

Distaem mi olo finis, an hea blong mi hemi waet nao, plis God, yu no lusim mi. Plis yu stap wetem mi, taem mi talemaot paoa blong yu long evri pipol wea bae i bon kam bihaen long mi.

Nambas 27:17

Mekem hemi go fastaem long olketa nomata olketa goaot o olketa kambaek, an bae hemi olsem sif blong olketa long taem blong faet. Nogud pipol blong yu bae i stap olsem olketa sipsip wea i no garem eni man fo lukaftarem olketa.”

2 Timoti 4:6

Taem blong mi fo dae hemi kam kolsap nao. An laef blong mi hemi olsem nao waen wea olketa kapsaetem antap long olta fo mekem sakrifaes long hem.

Josua 23:1

Longfala taem bihaen, Yawe hemi mekem olketa enemi wea i stap raonem olketa traeb blong Israel fo stap kuaet nomoa. Long datfala taem tu, Josua hemi kamap barava olo fogud nao.

Josua 23:2

So hemi kolem olketa bikman blong Israel, an evri komanda, an evri lida, an evri sif, fo kam tugeta. An hemi tok olsem long olketa, “Distaem mi barava olo tumas nao.

2 Pita 1:14

Bikos mi save dat laef blong mi long disfala wol hemi no save stap longtaem nomoa. Masta blong yumi Jisas Kraes nao hemi bin talemaot diswan long mi.

1 Samuel 2:22

Ilae hemi kamap olfala tumas, an oltaem hemi herem nius abaotem olketa samting wea tufala san blong hem i duim long olketa man, an wei wea tufala save slip wetem olketa woman hu i waka long doa blong tambuhaos blong Yawe.

1 Samuel 2:29

?Bat waswe nao yufala nating tinghevi long olketa sakrifaes wea olketa pipol mekem long mi? ?Waswe nao yu tinghae long tufala san blong yu winim wei wea yu tinghae long mi? Hem nao wanem yu duim taem yu letem tufala fo kamap fat tumas bikos olketa tekemaot olketa bes mit blong olketa sakrifaes.

1 Samuel 3:10

Bihaen, Yawe hemi kambaek moa an hemi stanap long ples ya, hemi kolem hem moa olsem fastaem wea hemi sei, “Samuel, Samuel.” An Samuel hemi tok olsem, “Yu toktok kam. Mi wakaman blong yu, mi gohed fo herehere long yu.”

1 Samuel 3:13

Mi talem long hem finis, olsem bae mi panisim hem wetem evriwan long famili blong hem. Disfala panis ya hemi no save finis enitaem bikos tufala san blong hem i spoelem nem blong mi. An hemi save nomoa olsem tufala gohed fo duim olketa ravis samting ya, bat hemi no stopem tufala.

1 Samuel 3:16

Nao Ilae hemi kolem hem olsem, “!Samuel, pikinini blong mi!” An hemi tok olsem, “!Ya, mi nao ya!”

1 Samuel 8:1

Taem Profet Samuel hemi olo tumas, hemi mekem tufala san blong hem fo kamap sif long Israel.

1 Samuel 8:20

mekem kantri blong yumi kamap olsem olketa narafala kantri. King ya hemi save lidim yumi long taem fo faet.”

1 Samuel 8:3

Bat tufala nating falom wei blong dadi blong tufala. Tufala ya faetem seleni so hemi isi fo eniwan hemi nilam tufala fo jaj long wei wea hemi no stret.

1 Samuel 8:5

Den olketa tok olsem, “Profet, distaem yu barava olo tumas, an tufala san blong yu i nating falom nomoa gudfala wei blong yu. Dastawe nao, mifala laekem yu fo siusim wanfala king fo mifala, mekem mifala garem king olsem wea olketa narafala kantri i garem.”