1 Samuel 12:11 - Pijin Deuterocanon

¹¹ So Yawe hemi sendem Gidion, an Bedan, an Jefta, an laswan nao hemi sendem mi. Hem nao hemi tekem yufala aot from paoa blong olketa enemi blong yumi, dastawe nao yufala stap gud.

Pijin Bible

¹¹ So Yawe hemi sendem Gidion, an Bedan, an Jefta, an laswan nao hemi sendem mi. Hem nao hemi tekem yufala aot from paoa blong olketa enemi blong yumi, dastawe nao yufala stap gud.

1 Samuel 12:11 ပူးပေါင်းရင်းမြစ်များ

2 Kings 13:5

So Yawe hemi givim wanfala lida long olketa fo sevem olketa from paoa blong olketa blong Siria. Go-go olketa stapgud long olketa ples blong olketa moa olsem bifoa.

1 Kronikols 7:17

Ulam hemi bonem wanfala san wea nem blong hem, Bedan. Olketa ya nao i long laen blong Gilead, long laen blong Makia long laen blong Manase.

Jajis 4:6

Wanfala de, hemi sendem toktok go long Barak, san blong Abinoam, long Kedes long lan blong Naftali, mekem Barak hemi kam fo lukim hem. An taem hemi kam kasem hem, Debora hemi tok olsem long Barak, “Yawe hu hemi God blong pipol blong Israel hemi tok olsem long yu, ‘Yu mas go kolem 10,000 man fo faet from tufala traeb blong Naftali an Sebulun. Yu mas lidim olketa go long maonten long Teboa.

Jajis 6:14

Nao Yawe hemi tok olsem long Gidion, “Mi nao mi sendem yu. Distaem yu garem paoa an yu mas go an sevem olketa pipol blong yu hu i stap long han blong laen blong Midian.”

Jajis 6:31

Bat Joas hemi tok olsem long olketa hu i agensim hem, “?Waswe, yufala laek fo sevem Baal? ?Yufala laek fo helpem hem? Sapos wanfala man hemi traem fo helpem Baal, bae hemi dae taem hem no delaet yet. Sapos Baal hemi god, letem hem seleva sensimbaek long man hu hemi brekemdaon olta blong hem.”

Jajis 6:32

So, stat long datfala taem, Joas hemi kolem Gidion long narafala nem olsem Jerub-Baal, wea hemi minim, “Letem Baal sensimbaek” bikos Gidion nao hemi brekemdaon datfala olta blong Baal.

Jajis 7:1

Nao Jerub-Baal, hu hemi Gidion, wetem olketa soldia blong hem i getap long eli moning an olketa go fo stap kolsap long springwata long Harod. Olketa stap kolsap long hil wea olketa kolem Gilead. An ami blong Midian hemi stap long narasaet long bikfala flat ples long Jesreel long not, kolsap long wanfala hil wea nem blong hem nao More. Yawe hemi tok olsem long hem, “Gidion. Ami blong yu hemi bik tumas, mi no save yusim olketa fo winim ami blong Midian. Sapos olketa win, bae olketa tingse olketa nao win long paoa blong olketa seleva nomoa. An bae olketa no save tinghae long mi. Yu mas tok olsem long evriwan, ‘!Olketa! !Sapos samfala long yufala i fraet tumas, olketa ya save gobaek long ples blong olketa!’” So taem Gidion hemi tok olsem long evriwan, 22,000 man nao i gobaek long ples blong olketa, 10,000 nomoa i stap wetem hem.

Jajis 8:29

Bihaen long taem wea faet hemi finis, Jerub-Baal hemi gobaek long ples blong hem, an hemi stap long ples ya go-go hemi kamap olo.

Jajis 8:35

An narafala samting moa, olketa no gohed fo kaen long famili blong Jerub-Baal nomata hemi bin duim plande gudfala samting fo olketa.

1 Samuel 3:20

Olketa evriwan long laen blong Israel, stat long taon long Dan long not go kasem taon long Beereseba long saot, olketa save olsem hemi wanfala trufala profet blong Yawe.

1 Samuel 7:13

So ami blong Filistia i lus, an olketa no kambaek moa long lan blong Israel fo faetem olketa. An long taem blong Profet Samuel, Yawe hemi agensim olketa blong Filistia ya.