1 Kronikols 9:18 - Pijin Deuterocanon

¹⁸ Olketa ya i bin gadem geit long saet long ist long Tambuhaos, wea olketa kolem hem “Geit blong King”. Bifoa kam olketa olfala grani blong olketa ya i bin gadem ples blong olketa Livaet kolsap long Tambu Haostent.

Pijin Bible

¹⁸ Olketa ya i bin gadem geit long saet long ist long Tambuhaos, wea olketa kolem hem “Geit blong King”. Bifoa kam olketa olfala grani blong olketa ya i bin gadem ples blong olketa Livaet kolsap long Tambu Haostent.

1 Kronikols 9:18 ပူးပေါင်းရင်းမြစ်များ

1 Kings 10:5

An hemi lukim evri kaikai long tebol, an olketa bikman blong hem, an kaleko wea olketa wakaman i werem. Hemi lukim tu olketa wakaman wea i karim kam kaikai an waen long fist. An hemi lukim olketa sakrifaes wea hemi bin mekem long Tambuhaos blong Yawe. An evrisamting ya i mekem kuin fo barava sapraes tumas.

2 Kings 11:19

Hem wetem olketa komanda blong olketa spesol sekiuriti an olketa sekiuriti blong haos blong king, olketa tekem king an goaot from Tambuhaos blong Yawe. Olketa go long haos blong king, an olketa pipol i falom olketa. Nao king hemi gotru long geit blong olketa sekiuriti, an hemi go insaet long haos blong king. Den hemi go sidaon long tron.

2 Kings 16:18

Hemi aotem spesol haostent fo wosip long Sabat, an hemi satem spesol doa blong Tambuhaos wea olketa king blong Jiuda nomoa i yusim. Hemi duim olketa samting ya fo mekem King Tiglat-Pilesa hemi hapi long hem.

1 Kronikols 9:17

Olketa sekiuriti blong Tambuhaos wea i kambaek long Jerusalem, i olsem: Salum, an Akub, an Talmon, an Ahiman, wetem olketa wantok blong olketa. Salum ya hemi lida blong olketa.

1 Kronikols 9:19

Nao Salum an olketa wantok blong hem i bin gadem doa long frant long Tambuhaos. Salum ya hemi san blong Kore. Kore hemi san blong Ebiasaf long laen blong Kora. Bifoa kam, olketa olfala grani blong olketa i bin gadem frant long Tambu Haostent blong Yawe.

Jeremaea 35:4

Mi tekem olketa go long Tambuhaos blong Yawe, an mifala go insaet long rum blong olketa man blong Profet Hanan, san blong Igdalaea hu hemi man blong God. Rum ya hemi kolsap long rum blong olketa bikman blong Tambuhaos ya, an hemi stap stret antap long rum blong Maasea, san blong Salum, wea hemi bikman blong Tambuhaos ya hu hemi holem ki blong bikfala doa blong hem.

Esikiel 44:1

Man ya hemi tekem mi go moa long disfala geit long ist saet blong bikfala open eria aotsaet long Tambuhaos ya, bat geit ya hemi sat nomoa.

Aposol 3:11

Nao disfala man hemi no laek fo goawe from Pita an Jon, so olketa pipol olketa ran kam long trifala wea trifala stap long disfala eria blong Tambuhaos wea olketa kolem “Varanda blong Solomon”. An olketa pipol i sapraes tumas.