1 Kronikols 7:22 - Pijin Deuterocanon

²² Long datfala taem, Efrem hemi sore tumas fo plande de. An olketa wantok blong hem i kam fo filsore wetem hem an strongim tingting blong hem.

Pijin Bible

²² Long datfala taem, Efrem hemi sore tumas fo plande de. An olketa wantok blong hem i kam fo filsore wetem hem an strongim tingting blong hem.

1 Kronikols 7:22 ပူးပေါင်းရင်းမြစ်များ

Jenesis 37:34

Jekob hemi brekem olketa kaleko blong hem bikos hemi barava sore fogud. So hemi werem olketa ravis kaleko nomoa, an hemi gohed krae longtaem fo pikinini blong hem ya.

Jenesis 37:35

Olketa narafala pikinini boe blong hem, wetem olketa dota blong hem olketa kam an trae fo mekem hem filgud moa, bat hemi no save filgud moa nao, hemi gohed fo tok olsem, “Bae mi gohed fo sore long pikinini blong mi go-go kasem taem wea mi dae.” So hemi gohed fo krae fo pikinini blong hem ya.

1 Kronikols 7:21

Tahat hemi bonem Sabad. Sabad hemi bonem Sutela. An Efrem hemi garem tufala san moa wea nem blong tufala, Esa an Elead. Tufala ya i bin trae fo stilim olketa buluka blong pipol long Gat, so olketa kilim tufala dae.

1 Kronikols 7:23

Bihaen, hemi slip wetem waef blong hem, hemi babule an hemi bonem wanfala boe moa. An bikos trabol ya hemi kasem famili blong hem, Efrem hemi kolem hem Beria.

Stori abaotem Job 2:11

Trifala long olketa fren blong Job nao i Elifas from Teman, an Bildad from Sua, an Sofa from Naama. Taem olketa herem nius abaotem trabol wea i kasem Job, olketa mekem plan fo go filsore wetem hem, an strongim tingting blong hem.

Gudnius abaotem Jisas Kraes wea Jon hemi raetem 11:19

So plande long olketa Jiu nao olketa kam long Mata an Meri fo helpem tufala, mekem tufala no sore tumas long brata blong tufala hu hemi dae ya.