1 Kronikols 7:18 - Pijin Deuterocanon

¹⁸ Hamoleket hemi sista blong Gilead, an hemi garem trifala san wea nem blong trifala, Isod, an Abiesa, an Mala.

Pijin Bible

¹⁸ Hamoleket hemi sista blong Gilead, an hemi garem trifala san wea nem blong trifala, Isod, an Abiesa, an Mala.

1 Kronikols 7:18 ပူးပေါင်းရင်းမြစ်များ

1 Kronikols 7:17

Ulam hemi bonem wanfala san wea nem blong hem, Bedan. Olketa ya nao i long laen blong Gilead, long laen blong Makia long laen blong Manase.

1 Kronikols 7:19

Semida hemi long traeb blong Manase. Hemi garem fofala san wea nem blong olketa i olsem: Ahian, an Sekem, an Liki, an Aniam.

Josua 17:2

An olketa lan ya long west saet long Jodan Riva, Josua hemi givim go long olketa long narafala haf long traeb blong Manase wea nem blong olketa nao, Abiesa, an Helek, an Asriel, an Sekem, an Hefa, an Semida.

Jajis 6:11

Oraet, wanfala taem, Enjel blong Yawe hemi kam an sidaon andanit long wanfala bikfala ok tri long ples wea olketa kolem Ofra. Joas nao hemi man blong ples ya an hemi blong laen blong Abiesa an hemi lukaftarem disfala tri ya. Nao Gidion hu hemi san blong Joas, hemi gohed fo klinim sid blong flaoa fo kaikai, bat hemi duimhaed insaet long ples fo mekem waen. Hemi duim olsem mekem olketa blong Midian i no save stilim kaikai ya.

Jajis 6:24

Nao Gidion hemi wakem wanfala olta fo wosipim Yawe long ples ya, an hemi kolem ples ya “Yawe hemi Givim Piis”. An olta ya hemi stap yet long Ofra long graon blong laen blong Abiesa.

Jajis 6:34

Long datfala taem, Spirit blong Yawe hemi kam long Gidion. Nao Gidion hemi stanap an bloum trampet fo kolem laen blong hem fo kam falom hem.

Jajis 8:2

Bat Gidion hemi sei long olketa, “Disfala samting wea mifala duim hemi smol nomoa, hemi nating kasem olketa bikfala samting wea yufala duim. Yufala tingse waka blong yufala long Efrem hemi samting nating, bat hemi moabeta winim wanem laen blong Abiesa hemi duim.