1 Kronikols 6:60 - Pijin Deuterocanon

⁶⁰ An long distrik blong Benjamin, nem blong olketa taon wea olketa givim go long olketa i olsem: Gibeon, an Geba, an Alemet, an Anatot wetem olketa lan raonem olketa taon ya. Hem nao tetin taon wea olketa givim go long laen blong Kohat hu i bon kam long laen blong Eron.

Pijin Bible

⁶⁰ An long distrik blong Benjamin, nem blong olketa taon wea olketa givim go long olketa i olsem: Gibeon, an Geba, an Alemet, an Anatot wetem olketa lan raonem olketa taon ya. Hem nao tetin taon wea olketa givim go long laen blong Kohat hu i bon kam long laen blong Eron.

1 Kronikols 6:60 ပူးပေါင်းရင်းမြစ်များ

1 Kings 2:26

King Solomon hemi tok olsem long Prist Abiata, “Yu mas go long hom blong yu long Anatot. Hemi fit nomoa fo yu dae tu. Bat mi no save kilim yu distaem, bikos bifoa, yu helpem dadi blong mi fo karim Tambu Boks blong Lod Yawe, an yu bin fesim olketa trabol wea dadi blong mi hemi fesim.”

1 Kronikols 6:61

Nao tenfala taon long distrik blong Manase long west saet long Jodan Riva, olketa givim go long olketa narafala laen blong Kohat.

1 Kronikols 8:6

Olketa san blong Ehud i olsem: Naaman, an Ahaeja, an Gera. Trifala ya i lida long laen blong olketa wea i stap long Geba. Olketa narafala pipol i bin ronemaot olketa laen ya, so olketa muv go long taon long Manahat. Gera hu hemi dadi blong Usa an Ahihud, hemi lidim olketa taem olketa muv go nao.

Nehemaea 12:29

an long Bet-Gilgal, an Geba, an Asmavet. Olketa ya long kuaea bin wakem olketa vilij ya raonem Jerusalem, mekem olketa save stap kolsap long Tambuhaos ya.

Aesaea 10:30

!Kraeaot bikfala, yufala pipol blong Galim! !Lisin kam, yufala pipol long Laesa! !Sore tumas long yufala pipol long Anatot!

Jeremaea 1:1

Hem ya nao olketa toktok blong Profet Jeremaea, san blong Hilkaea. Dadi blong Jeremaea hemi wanfala long olketa prist wea i stap long taon long Anatot long eria blong traeb long Benjamin.

Jeremaea 11:23

Mi makem taem finis, wea bae mi mekem trabol ya fo kasem olketa ya long Anatot, an long taem ya, bae no eniwan long olketa i laef.”

Jeremaea 37:12

Jeremaea tu hemi goaot from taon fo go long distrik long Benjamin, mekem hemi save lukim graon hemi onam wea hemi pat long lan blong famili blong hem.

Josua 18:24

an Kefaramoni, an Ofni an Geba. Hem nao tuelfala taon wea i stap long eria ya wetem olketa vilij wea i stap raon long olketa.

1 Samuel 13:3

Bihaen, Jonatan an olketa soldia wetem hem i go kilim olketa soldia blong Filistia wea i stap long Geba. Nao nius abaotem samting ya hemi goraon long olketa pipol blong Filistia. So King Sol hemi sendem olketa soldia fo go bloum trampet long evri ples long Israel, fo kolem evriwan fo kamap tugeta fo mekem faet.