1 Kronikols 4:43 - Pijin Deuterocanon

⁴³ An olketa ya i kilim dae evriwan long laen blong Amalek wea i stap yet long dea. So stat kam long datfala taem, olketa long laen blong fofala ya i stap kam long dea.

Pijin Bible

⁴³ An olketa ya i kilim dae evriwan long laen blong Amalek wea i stap yet long dea. So stat kam long datfala taem, olketa long laen blong fofala ya i stap kam long dea.

1 Kronikols 4:43 ပူးပေါင်းရင်းမြစ်များ

2 Samuel 8:12

Olketa pipol nao i pipol blong Idom, an pipol blong Moab, an pipol blong Amon, an pipol blong Filistia, an pipol blong Amalek. An hemi mektambu tu long olketa samting wea hemi tekem from King Hadadesa, san blong Rehob, hu hemi king long Soba.

2 Kronikols 5:9

Tufala spesol stik ya i longfala tumas, an sapos eniwan hemi stanap long bikfala Tambu Rum, hemi save lukim en blong tufala spesol stik ya. Bat sapos hemi stanap aotsaet long Tambuhaos hemi no save lukim. Tufala spesol stik ya i stap yet long dea kam kasem tude.

Jeremaea 44:6

From disfala samting nao, mi somaot kros blong mi long olketa olsem hot faea wea hemi laet an no eniwan save stopem, an mi spoelem olketa taon long Jiuda, an evri rod long Jerusalem, mekem olketa ya i kamap nogud kam kasem tude.’

Matiu 27:8

So kam kasem distaem, nem blong beregraon ya hemi “Pis lan blong Blad”.

Matiu 28:15

Taem olketa sekiuriti ya olketa tekem seleni ya nomoa, olketa go fo duim wanem olketa bin talem olketa fo duim nao. So diskaen stori ya hemi goraon olobaot long olketa Jiu nao ka-kam kasem distaem.

Diutronomi 34:6

Den Yawe hemi berem hem long wanfala vali long Moab kolsap long taon long Bet-Peo. Bat kam kasem tude, no eniwan hemi save stret ples wea beregraon blong hem hemi stap.

Jajis 1:26

Bihaen, hem wetem famili blong hem i go stap long lan blong laen blong Het. Nao hemi wakem wanfala taon long eria ya, an hemi kolem tu ples ya Luj, an nem ya hemi stap yet.

1 Samuel 30:16

So hemi tekem Deved go long ples wea olketa ya stap long hem. Long datfala taem, olketa man blong Amalek i stap olobaot long wanfala open ples. Olketa kaikai an dring. Olketa mekem fist bikos olketa holem plande samting from Filistia an long distrik blong Jiuda.

1 Samuel 30:17

Den long eli moning long neks de, Deved wetem olketa man blong hem i go faetem olketa. An olketa faet go-go kasem ivining. An Deved wetem olketa man blong hem i kilim dae olketa evriwan, bat 400 yangman nomoa wea olketa raed long olketa kamel, olketa ranawe.