1 Kronikols 26:32 - Pijin Deuterocanon

³² So king hemi siusim 2,700 wantok blong Jeria, an hemi mekem olketa bos long olketa waka blong God, an long olketa waka blong king tu, long kantri blong Israel long saet long ist long Jodan Riva. Hem nao long distrik blong Ruben, an long distrik blong Gad, an long distrik blong Manase long ist.

Pijin Bible

³² So king hemi siusim 2,700 wantok blong Jeria, an hemi mekem olketa bos long olketa waka blong God, an long olketa waka blong king tu, long kantri blong Israel long saet long ist long Jodan Riva. Hem nao long distrik blong Ruben, an long distrik blong Gad, an long distrik blong Manase long ist.

1 Kronikols 26:32 ပူးပေါင်းရင်းမြစ်များ

1 Kronikols 12:37

Nao long trifala traeb wea i stap long ist saet long Jodan riva, traeb blong Ruben, an traeb blong Gad, an haf long traeb blong Manase, olketa garem 120,000 soldia wea i garem enikaen wepon.

1 Kronikols 15:12

Hemi tok olsem long olketa, “Yufala nao i olketa lida long olketa Livaet. Yufala an olketa wantok blong yufala mas mekem yufala seleva klin long ae blong Yawe. Den disfala Tambu Boks blong Yawe, God blong Israel, yufala save karim hem kam long ples wea mi redim finis fo hem.

1 Kronikols 23:24

Hem nao nem blong olketa olo blong olketa laen long traeb blong Livae. Olketa man blong king i raetemdaon nem blong olketa, an kaontem olketa man ya wea i eij tuenti yia goap. Olketa evriwan i joen fo duim waka long Tambuhaos blong Yawe.

1 Kronikols 24:31

Olketa bin yusim spesol ston fo makem waka blong olketa laen ya long sem wei wea olketa duim fo olketa wantok hu i prist long laen blong Eron. King Deved, an Prist Sadok, an Prist Ahimelek, an olketa bikman long laen blong olketa prist an long olketa Livaet, olketa evriwan i witnes long samting ya. Evri laen hemi semsem nomoa, nomata hemi laen blong fasbon san, o hemi laen blong lasbon san.

1 Kronikols 27:1

King Deved hemi mekem ami blong hem fo garem tuelfala seksin wea i garem 24,000 soldia long evri seksin. Olketa seksin ya i garem olketa komanda, an olketa bikman, an olketa lida blong olketa laen. Olketa ya nao i lidim ami fo lukaftarem olketa waka blong king. Evri mans wanfala seksin nomoa hemi duim waka blong ami.

2 Kronikols 19:11

Haeprist Amaraea nao hemi garem raet fo jajem eniwan long saet long Lo blong Yawe. Sebedaea, san blong Ismael hu hemi bikman long traeb blong Jiuda, hemi save jajem eniwan long saet long lo blong king. An olketa Livaet bae waka long kot tu. Yufala mas strong long waka blong yufala. Letem Yawe hemi stap wetem yufala hu i duim wanem hemi stret.”

Josua 1:12

Josua hemi kolem traeb blong Ruben wetem traeb blong Gad, an haf long traeb blong Manase an hemi tok olsem long olketa,