1 Kronikols 24:4 - Pijin Deuterocanon

⁴ Hemi divaedem olketa laen blong Eleasa go long sikstinfala grup, an hemi divaedem olketa laen blong Itama go long eitfala grup. Hemi duim olsem bikos namba blong olketa hed blong famili long laen blong Eleasa hemi plande winim namba blong olketa hed blong famili long laen blong Itama.

Pijin Bible

⁴ Hemi divaedem olketa laen blong Eleasa go long sikstinfala grup, an hemi divaedem olketa laen blong Itama go long eitfala grup. Hemi duim olsem bikos namba blong olketa hed blong famili long laen blong Eleasa hemi plande winim namba blong olketa hed blong famili long laen blong Itama.

1 Kronikols 24:4 ပူးပေါင်းရင်းမြစ်များ

1 Kronikols 23:24

Hem nao nem blong olketa olo blong olketa laen long traeb blong Livae. Olketa man blong king i raetemdaon nem blong olketa, an kaontem olketa man ya wea i eij tuenti yia goap. Olketa evriwan i joen fo duim waka long Tambuhaos blong Yawe.

1 Kronikols 24:3

King Deved hemi divaedem olketa ya long olketa deferen grup fo duim olketa waka blong prist. Nao Prist Sadok long laen blong Eleasa, an Prist Ahimelek long laen blong Itama, tufala helpem Deved fo divaedem olketa.

1 Kronikols 24:5

Nao tufala laen evriwan i garem olketa prist an olketa bikman long Tambuhaos, so Deved, an Sadok, an Ahimelek i yusim olketa spesol ston fo faendemaot hu nao bae hemi holem watkaen waka. Hem nao wei wea olketa divaedem olketa man long stretfala wei.

2 Kronikols 1:2

King Solomon hemi sendem toktok go long olketa deferen komanda blong ami, an olketa bikman long Israel, an olketa lida long olketa laen, an olketa narafala pipol blong Israel.

Nehemaea 12:12

Long taem wea blong Joeakim hemi Haeprist, olketa man hu i hed long olketa laen blong olketa prist, nem blong olketa i olsem: Laen blong Seraea: Meraea. Laen blong Jeremaea: Hananaea.