1 Kronikols 22:3 - Pijin Deuterocanon

³ An hemi givim plande aean long samfala man ya, mekem olketa wakem olketa nila, an olketa hins. An hemi givim plande bras tu fo wakem olketa samting. Nao no eniwan hemi save skelem olketa bras ya.

Pijin Bible

³ An hemi givim plande aean long samfala man ya, mekem olketa wakem olketa nila, an olketa hins. An hemi givim plande bras tu fo wakem olketa samting. Nao no eniwan hemi save skelem olketa bras ya.

1 Kronikols 22:3 ပူးပေါင်းရင်းမြစ်များ

1 Kings 7:47

Bat king hemi no mekem olketa skelem evrisamting ya, bikos hemi barava plande tumas, so olketa no wari fo faendemaot hevi blong olketa.

1 Kronikols 22:14

“Nao mi bin hadwaka fo redim finis olketa samting wea bae yu nidim fo bildim Tambuhaos blong Yawe. 3,400,000 kilo long gol hemi stap. 34,000,000 kilo long silva hemi stap. Plande bras an aean wea olketa no save skelem i stap. Staka timba an ston tu i stap. Bat sapos yu nidim enisamting moa, yu save tekem.

1 Kronikols 29:2

So mi bin wakahad fo redim evrisamting blong Tambuhaos blong God blong mi. Mi bin redim olketa gol, an silva, an bras, an aean, an timba. An mi redim olketa barava nambawan ston olketa kolem soham an puk, an olketa narafala ston wea i garem gudfala kala. An mi redim plande gudfala ston wea i fitim fo wakem haos, an plande ston olsem mabol wea i save dekoretem haos.

1 Kronikols 29:7

Olketa givim olketa samting fo bildim Tambuhaos blong God. Olketa givim 170,000 kilo long gol, an 10,000 gol seleni, an 345,000 kilo long silva, an 610,000 kilo long bras, an 3,450,000 kilo long aean.

2 Kronikols 4:18

Bat king hemi no mekem olketa skelem evrisamting ya, bikos hemi barava plande tumas, so olketa no wari fo faendemaot hevi blong olketa.

Jeremaea 52:20

Tufala bikfala pos wea olketa bin wakem long bras, King Solomon hemi bin putum long Tambuhaos bifoa, wetem olketa kaat fo karim wata, an bikfala tangk, an tuelfala kaving long man buluka wea i holem bikfala tangk ya, nao hevi blong bras blong olketa samting ya hemi barava bikfala tumas, mekem olketa no save skelem.

Diutronomi 8:9

An taem yufala stap long lan ya, bae yufala no save sot long kaikai, an bae yufala no save trabol long eni narafala samting tu. Hemi garem olketa ston fo wakem aean long hem, an bae yufala save mekem maen long olketa hil fo digim bras long hem.