1 Kronikols 18:14 - Pijin Deuterocanon

¹⁴ Deved hemi king ovarem evriwan long Israel. Oltaem hemi lukaftarem gudfala olketa pipol blong hem, long wei wea hemi gudfala an hemi stret.

Pijin Bible

¹⁴ Deved hemi king ovarem evriwan long Israel. Oltaem hemi lukaftarem gudfala olketa pipol blong hem, long wei wea hemi gudfala an hemi stret.

1 Kronikols 18:14 ပူးပေါင်းရင်းမြစ်များ

2 Samuel 8:15

Deved hemi king ovarem evriwan long Israel. Oltaem hemi lukaftarem gudfala olketa pipol blong hem, long wei wea hemi gudfala an hemi stret.

1 Kronikols 12:38

Olketa soldia ya i hapi nomoa fo joenem ami blong Deved. Olketa go hipap long Hebron, an tingting blong olketa i barava strong tumas fo mekem Deved hemi kamap king blong Israel. Evriwan long Israel nao i garem semkaen tingting tu.

1 Kronikols 18:13

Hemi putum samfala seksin blong ami blong hem fo stap long plande ples long Idom, an evriwan long pipol blong Idom i stap andanit long paoa blong Deved. Nao long evri ples wea Deved hemi go faet long hem, Yawe hemi mekem hem win.

1 Kronikols 18:15

Long taem ya, Joab, san blong Seruia, hemi komanda long ami. Jehosafat, san blong Ahilud, hemi kipim olketa rekod blong king.

1 Kronikols 29:26

King Deved, san blong Jese, hemi king long evri pat long Israel fo foti yia. Fastaem, hemi king long Jiuda fo sevenfala yia long taon long Hebron. Bihaen hemi king long Israel fo teti-tri yia moa long Jerusalem.

Sams 72:1

God, plis yu givim save long king blong mifala fo jajem pipol long stretfala wei olsem yu. Ya, givim save blong yu long hem mekem hemi save stretem enikaen trabol.

Sams 89:14

Yu nao yu king an evri wei blong yu hemi stret fogud, an oltaem yu jajem olketa pipol long stretfala wei. Yu tinghevi long pipol olowe, an oltaem nomoa yu kipim olketa promis blong yu.

Aesaea 9:7

Wei blong hem fo rul, bae hemi kamap gudfala moa. An ples wea hemi rul ovarem, bae hemi garem piis olowe. Ya, bae hemi kamap wanfala king long laen blong King Deved. Paoa blong hem an stretfala wei blong hem fo jajem pipol, bae hemi gohed olowe nao. Lod Yawe yu garem evri paoa, an strongfala tingting blong yu nao bae hemi mekem evrisamting ya fo hapen.

Jeremaea 22:15

“King. ?Sapos yu dekoretem haos blong yu long plande nambawan timba blong sida tri, waswe, yu tingse hemi save mekem yu hae moa winim olketa narafala king? Dadi blong yu King Josaea, oltaem nomoa, hemi bin garem naf samting fo kaikaim an dringim gohed fo hapi long laef blong hem. Oltaem, hemi bin gohed fo falom wei wea hemi stret fogud an hemi jaj tu long stretfala wei, an hemi garem barava gudfala laef.

Jeremaea 33:15

Long datfala taem, bae mi mekem Brans fo kamap long laen blong King Deved. Bae hemi rul ovarem disfala lan long wei wea hemi stret fogud.