1 Kronikols 15:12 - Pijin Deuterocanon

¹² Hemi tok olsem long olketa, “Yufala nao i olketa lida long olketa Livaet. Yufala an olketa wantok blong yufala mas mekem yufala seleva klin long ae blong Yawe. Den disfala Tambu Boks blong Yawe, God blong Israel, yufala save karim hem kam long ples wea mi redim finis fo hem.

Pijin Bible

¹² Hemi tok olsem long olketa, “Yufala nao i olketa lida long olketa Livaet. Yufala an olketa wantok blong yufala mas mekem yufala seleva klin long ae blong Yawe. Den disfala Tambu Boks blong Yawe, God blong Israel, yufala save karim hem kam long ples wea mi redim finis fo hem.

1 Kronikols 15:12 ပူးပေါင်းရင်းမြစ်များ

1 Kronikols 15:1

King Deved hemi bildim olketa haos blong hem seleva long Jerusalem. An hemi redim tu wanfala ples wea hemi putumap wanfala haostent fo kipim Tambu Boks blong God long hem.

1 Kronikols 15:14

So olketa prist an olketa Livaet i mekem olketa seleva klin long ae blong Yawe. Den olketa redi fo karim kam Tambu Boks ya.

1 Kronikols 15:3

Deved hemi kolem kam moa olketa blong Israel fo hipap long Jerusalem, mekem olketa tekem kambaek Tambu Boks blong Yawe, an putum long ples wea hemi redim finis fo hem.

1 Kronikols 16:1

Olketa karim Tambu Boks go fo putum long ples blong hem insaet long haostent wea Deved hemi mekem redi finis. Den olketa kilim dae olketa animol fo mekem sakrifaes go long Yawe. Samfala olketa barava bonem, an samfala i sakrifaes fo somaot dat olketa stapgud wetem God.

1 Kronikols 24:31

Olketa bin yusim spesol ston fo makem waka blong olketa laen ya long sem wei wea olketa duim fo olketa wantok hu i prist long laen blong Eron. King Deved, an Prist Sadok, an Prist Ahimelek, an olketa bikman long laen blong olketa prist an long olketa Livaet, olketa evriwan i witnes long samting ya. Evri laen hemi semsem nomoa, nomata hemi laen blong fasbon san, o hemi laen blong lasbon san.

1 Kronikols 9:34

Rekod blong olketa Livaet hemi som dat olketa ya i lida long olketa laen blong olketa. An olketa stap kam long Jerusalem.

2 Kronikols 1:2

King Solomon hemi sendem toktok go long olketa deferen komanda blong ami, an olketa bikman long Israel, an olketa lida long olketa laen, an olketa narafala pipol blong Israel.

2 Kronikols 1:4

Bat Tambu Boks blong God, hemi stap finis long wanfala haostent long Jerusalem. Hem nao haostent wea King Deved hemi bin putumap long taem wea olketa bin go long Kiriat-Jearim fo karim kam Tambu Boks ya.

2 Kronikols 30:15

Olketa prist an olketa Livaet wea i no mekem olketa seleva klin yet long ae blong Yawe, olketa nao i sem tumas, so olketa go mekem olketa seleva klin long ae blong hem. Olketa tekem kam olketa animol long Tambuhaos blong Yawe, an olketa mekem olketa sakrifaes wea i barava bone. Den olketa gohed fo duim waka blong olketa long Tambuhaos falom Lo blong Mosis hu hemi man blong God. Long mekfotin de blong mektu mans, olketa man i kam fo kilim dae olketa smolfala sipsip fo mekem Fist blong Pasova. Olketa Livaet nao i tekem blad blong olketa sipsip ya, an givim go long olketa prist. Olketa prist i splasem go isi long saet blong olta.

2 Kronikols 35:6

Yufala mas kilim dae olketa smolfala sipsip blong Pasova. Mekem yufala seleva redi fo waka long olta, an mekem olketa sipsip ya redi fo olketa wantok. Yufala mas falom olketa toktok abaotem samting ya wea Yawe hemi bin givim long Mosis bifoa.”

2 Kronikols 5:11

Den olketa prist i goaot from bikfala Tambu Rum. Evri prist wea i stap tugeta long dea, nomata olketa i blong watkaen laen, olketa evriwan i mekem olketa seleva fo klin long ae blong Yawe.

2 Kronikols 5:2

King Solomon hemi kolem kam olketa lida blong olketa traeb blong Israel, an olketa sif blong olketa laen blong olketa, an olketa narafala lida blong olketa, mekem olketa kam long Jerusalem. Olketa kam long Saeon fo tekem Tambu Boks long Spesol Agrimen blong Yawe, an karim goap long Tambuhaos. Long taem ya, nara nem blong Jerusalem hemi Saeon, o “Biktaon blong King Deved”.

Nehemaea 13:22

Mi talem long olketa Livaet wea i sekiuriti long olketa geit fo go mekem olketa seleva fo klin long ae blong God, den go fo gadem olketa geit ya, mekem olketa pipol i mas kipim Sabat de ya hemi tambu. O God blong mi. From disfala samting tu wea mi duim, plis yu tingim mi an kaen long mi, bikos yu tinghevi long mi tumas.

Aesaea 52:11

!Kamaot! !Kamaot from datfala ravis ples! !Yufala mas no tasim enisamting wea hemi no klin long ae blong God! Yufala hu i karim kam olketa holi samting long Tambuhaos blong Yawe, yufala mas kamaot from datfala ples an yufala mas kamap klin moa long ae blong God.

Esikiel 48:11

Disfala lan bae hemi fo olketa prist hu i bon kam bihaen long laen blong Sadok. Olketa bin gohed fo duim gud waka fo mi, an i no joen wetem olketa narafala laen blong Israel wea i go rong olsem olketa narafala Livaet ya bin duim.

Gudnius abaotem Jisas Kraes wea Jon hemi raetem 17:17

Toktok blong yu hemi tru tumas. An mi laek fo yu mekem tru toktok blong yu hemi stap insaet long olketa, mekem olketa kamap barava pipol blong mi.