1 Kronikols 14:1 - Pijin Deuterocanon

¹ Nao King Haeram blong Taea hemi sendem samfala man blong hem fo lukim King Deved. An hemi sendem tu samfala man wea save hao fo katem ston, an samfala man fo wakem haos. An olketa ya nao kam wakem wanfala haos fo King Deved.

Pijin Bible

¹ Nao King Haeram blong Taea hemi sendem samfala man blong hem fo lukim King Deved. An hemi sendem tu samfala man wea save hao fo katem ston, an samfala man fo wakem haos. An olketa ya nao kam wakem wanfala haos fo King Deved.

1 Kronikols 14:1 ပူးပေါင်းရင်းမြစ်များ

2 Samuel 7:2

Long datfala taem hemi tok olsem long Profet Natan, “Distaem mi stap long wanfala gudfala bik haos wea olketa wakem long timba blong sida tri, bat Tambu Boks blong God, hemi stap long wanfala haostent nomoa.”

1 Kings 5:1

King Haeram blong Taea hemi bin wanfala fren blong King Deved. An taem hemi herem dat Solomon hemi kamap king an sensim dadi blong hem, hemi sendem samfala man blong hem fo go lukim hem.

1 Kings 5:15

An hemi garem 80,000 man wea i gohed fo digim an katem ston long olketa hil, an hemi garem 70,000 man moa fo karim olketa ston ya kamdaon.

1 Kings 5:18

Long wei olsem, olketa wakaman blong King Solomon an King Haeram wetem olketa man blong taon long Gebal i redim olketa ston an timba fo wakem Tambuhaos blong Yawe.

1 Kings 5:6

So, mi laekem yu fo talem olketa man blong yu long Saedon fo go long Lebanon fo katemdaon samfala sida tri, mekem mi save yusim olketa fo timba. Olketa man blong mi bae i waka wetem olketa, an bae mi peim yu fo olketa man blong yu long watkaen pei yu makem. Yu save dat olketa man blong mi i no save gudfala hao fo katemdaon tri olsem olketa man blong yu long Saedon.”

1 Kronikols 14:2

An taem King Deved hemi lukim samting ya, hemi savegud dat Yawe hemi mekem hemi kamap king blong pipol blong Israel. An hemi save tu dat Yawe hemi gohed fo mekem kantri blong hem fo kamap gudfala moa bikos hemi wande blesim olketa pipol blong hem.

1 Kronikols 17:1

Taem King Deved hemi stap long bikfala haos blong hem, hemi tok olsem long Profet Natan, “Distaem mi stap long wanfala gudfala bikfala haos wea olketa wakem long timba blong sida tri, bat Tambu Boks blong Yawe hemi stap long wanfala haostent nomoa.”

1 Kronikols 22:2

King Deved hemi talem olketa pipol blong olketa deferen kantri wea i stap long Israel fo kam long Jerusalem. An hemi talem samfala long olketa fo katem olketa ston fo wakem Tambuhaos.

2 Kronikols 2:2

So hemi fosim 70,000 man fo karim olketa samting fo bildim tufala haos ya, an hemi fosim 80,000 man i gohed fo digim an katem ston long olketa hil. An hemi siusim 3,600 man fo bos long olketa wakaman ya.

2 Kronikols 2:3

Solomon hemi sendem wanfala leta go long King Haeram blong Taea. Hemi tok olsem, “Mi laekem yu fo helpem mi olsem yu bin helpem dadi blong mi Deved taem yu bin sendem olketa timba blong sida tri long hem mekem hem wakem haos blong hem.

Esra 3:7

Bihaen, olketa pipol i givim seleni fo peim olketa kapenta wetem olketa man hu i savegud hao fo katem ston. An olketa sendem kaikai, an waen, an oliv oel go long tufala taon long Taea an Saedon, fo peim olketa sida tri blong Lebanon fo wakem Tambuhaos long hem, olsem King Saeras blong Pesia bin talem. Olketa save putum olketa tri ya long solwata, fo sendem kamdaon long bikfala haba ya long Jopa.