1 Kronikols 13:6 - Pijin Deuterocanon

⁶ Den hemi lidim olketa go long taon long Baala long Jiuda wea olketa kolem hem Kiriat-Jearim. Olketa go fo tekem kambaek disfala Tambu Boks blong God. Tambu Boks ya hemi garem nem blong Yawe hu hemi garem evri paoa, an hem nao hemi sidaon long tron blong hem antap long tufala enjel wea tufala i antap long Tambu Boks ya.

Pijin Bible

⁶ Den hemi lidim olketa go long taon long Baala long Jiuda wea olketa kolem hem Kiriat-Jearim. Olketa go fo tekem kambaek disfala Tambu Boks blong God. Tambu Boks ya hemi garem nem blong Yawe hu hemi garem evri paoa, an hem nao hemi sidaon long tron blong hem antap long tufala enjel wea tufala i antap long Tambu Boks ya.

1 Kronikols 13:6 ပူးပေါင်းရင်းမြစ်များ

1 Kings 8:16

Hemi bin tok olsem, ‘Stat long taem bifoa wea mi tekem olketa pipol blong mi fo kamaot from Ijip, kam kasem tude, mi no siusim eni biktaon long lan blong olketa traeb blong Israel, mekem yufala bildim Tambuhaos fo mi long hem, an wosipim nem blong mi. Bat mi mekem yu fo kamap king ovarem pipol blong mi long Israel.’”

2 Kings 19:15

Hemi prea go long Yawe olsem, “!O Yawe God blong Israel! Yu sidaon olsem king long tron long midol long tufala enjel. Yu nomoa yu tru God, an yu rul ovarem evri kingdom long disfala wol. Yu nao yu mekem skae an disfala graon.

Sams 80:1

God, oltaem yu lukaftarem mifala pipol blong Israel, olsem olketa sipsip blong yu. Plis yu lisin kam long mifala. Yu nao yu king blong mifala, an yu sidaon long tron long midol long tufala enjel.

Sams 99:1

!Yawe nao hemi king! An hemi sidaon long tron long midol long tufala enjel. Hemi gohed fo rul, an evri pipol i fraet an seksek fogud long paoa blong hem, an graon hemi seksek long hem.

Eksodas 20:24

Yufala mas wakem olta blong mi long graon nomoa, fo mekem sakrifaes long sipsip, an nanigot, an buluka blong yufala antap long hem. Olketa sakrifaes ya, samfala yufala mas barava bonem, an samfala yufala mas bonem nomoa haf long hem, an kaikaim narafala haf long hem, fo somaot dat yufala frengud wetem mi. Long evri ples wea mi siusim fo yufala wosipim mi, bae mi kam an blesim yufala.

Eksodas 23:21

Yufala mas lisingud long hem, an mas obeim hem. An yufala mas no agensim hem, bikos mi nao mi sendem hem kam, an bae hemi no save fogivim eniwan hu hemi agensim hem.

Eksodas 25:22

Antap long kava blong boks ya, long midol long tufala enjel, bae mi kam long ples ya fo mitim yu, an bae mi givim olketa lo blong mi long yu, wea bae yufala pipol blong Israel mas falom.”

Aesaea 37:16

“!O Yawe hu yu garem evri paoa! Yu nao God blong mifala long Israel, an bikos yu nao yu king, yu sidaon long tron midol long tufala enjel. Yu nomoa yu tru God, an yu rul ovarem evri kingdom long disfala wol. Yu nao yu mekem skae an disfala graon.

Nambas 6:27

“Hem nao wei wea olketa mas talemaot nem blong mi fo blesim pipol blong Israel. An taem olketa duim bae mi blesim pipol ya.”

Nambas 7:89

Nao taem Mosis hemi go insaet long Tambu Haostent fo toktok wetem Yawe, hemi herem voes blong Yawe hemi toktok kam long hem from midol long tufala enjel antap long kava blong Tambu Boks blong Spesol Agrimen.

Josua 15:60

An tufala taon moa wea nem blong wanfala nao Kiriat-Baal wea narafala nem blong hem nao Kiriat-Jearim, an narawan nao Raba. Hem nao tufala taon wea i stap long datfala eria wetem olketa vilij wea i stap raon long tufala.

Josua 15:9

An spialaen ya hemi stat moa long ples ya an hemi go-go kasem springwata ya long Neftoa, an hemi go moa go-go kasem olketa taon kolsap long maonten long Efron. Hemi stat moa long ples ya an hemi go stret long taon long Baala wea narafala nem blong hem nao Kiriat-Jearim.

Josua 9:17

So olketa blong Israel i go nao bihaen long olketa, an long mektri de olketa kasem fofala taon blong olketa ya long Gibeon, an Kefira, an Beerot an Kiriat Jearim.

1 Samuel 4:4

So olketa sendem samfala man fo go long Saelo, mekem olketa karim kam Tambu Boks. Tufala san blong Ilae, Hofni an Finehas, tufala nao i kam wetem Tambu Boks wea hemi saen blong Yawe hu hemi sidaon olsem king long midol long tufala enjel an hemi garem evri paoa.

1 Samuel 6:21

Den olketa sendem samfala pipol fo go talem olketa long Kiriat-Jearim olsem, “Olketa long Filistia i tekem kambaek finis Tambu Boks blong Yawe an olketa putum long ples blong mifala. Hemi gud sapos yufala tekem hem go long ples blong yufala.”