1 Kronikols 13:5 - Pijin Deuterocanon

⁵ So Deved hemi sendem toktok go long olketa pipol blong Israel, stat long saot long Sihoa riva long Ijip, go kasem ples long Lebo-Hamat long not. Hemi kolem kam evriwan, mekem olketa tekem kambaek Tambu Boks ya long Jerusalem.

Pijin Bible

⁵ So Deved hemi sendem toktok go long olketa pipol blong Israel, stat long saot long Sihoa riva long Ijip, go kasem ples long Lebo-Hamat long not. Hemi kolem kam evriwan, mekem olketa tekem kambaek Tambu Boks ya long Jerusalem.

1 Kronikols 13:5 ပူးပေါင်းရင်းမြစ်များ

2 Samuel 6:1

King Deved hemi kolem kam moa olketa nambawan soldia blong Israel fo kam tugeta. An 30,000 man nao i kam.

1 Kings 4:21

King Solomon hemi kontrolem olketa smol kantri wea i garem king, stat long Yufretis Riva long not, go kasem Filistia long west, an go kasem spialaen blong Ijip long saot. An olketa kantri ya i gohed fo peim taks go long hem, an olketa stap andanit long paoa blong hem, long taem wea hemi laef.

1 Kings 8:65

So King Solomon wetem staka pipol blong Israel i mekem fist blong Bikde fo Stap long Smolfala Lif Haos, an olketa gohed long fist ya fo sevenfala de. Den olketa gohed fo sevenfala de moa. Long taem ya, staka pipol tumas i kam from olketa ples, stat long Lebo-Hamat long not, go kasem smolfala wata long spialaen long lan blong Ijip long saot.

1 Kronikols 13:4

Olketa pipol i barava hapi tumas long tingting ya, an olketa agri long hem.

1 Kronikols 13:6

Den hemi lidim olketa go long taon long Baala long Jiuda wea olketa kolem hem Kiriat-Jearim. Olketa go fo tekem kambaek disfala Tambu Boks blong God. Tambu Boks ya hemi garem nem blong Yawe hu hemi garem evri paoa, an hem nao hemi sidaon long tron blong hem antap long tufala enjel wea tufala i antap long Tambu Boks ya.

1 Kronikols 15:3

Deved hemi kolem kam moa olketa blong Israel fo hipap long Jerusalem, mekem olketa tekem kambaek Tambu Boks blong Yawe, an putum long ples wea hemi redim finis fo hem.

Aesaea 23:3

Oltaem, yufala sendem olketa pipol blong yufala fo go akros long solwata fo peim wit an olketa narafala kaikai wea olketa groum falom Nael Riva long Ijip, mekem yufala save salem long olketa pipol blong olketa narafala kantri.

Jeremaea 2:18

?Bae wanem nao yufala winim sapos yufala go long Ijip fo dringim wata long Nael Riva? ?An waswe nao bae yufala go long Asiria fo dringim wata long Yufretis Riva? !Olketa blong tufala kantri ya kanduit sevem yufala!

Josua 9:17

So olketa blong Israel i go nao bihaen long olketa, an long mektri de olketa kasem fofala taon blong olketa ya long Gibeon, an Kefira, an Beerot an Kiriat Jearim.

1 Samuel 6:21

Den olketa sendem samfala pipol fo go talem olketa long Kiriat-Jearim olsem, “Olketa long Filistia i tekem kambaek finis Tambu Boks blong Yawe an olketa putum long ples blong mifala. Hemi gud sapos yufala tekem hem go long ples blong yufala.”

1 Samuel 7:1

So olketa man blong Kiriat-Jearim i go fo tekem kam Tambu Boks ya. Olketa putum long haos blong Abinadab wea hemi stap antap long hil. An olketa mektambu long Eleasa hu hem wanfala san blong Abinadab, mekem hem lukaftarem Tambu Boks ya.

1 Samuel 7:2

An stat long datfala taem, Tambu Boks ya hemi stap fo tuenti yia. Long datfala taem olketa blong Israel i gohed fo krae go long Yawe mekem hemi helpem olketa.