1 Kronikols 13:12 - Pijin Deuterocanon

¹² Den Deved hemi fraet long Yawe, an hemi tok olsem, “?Hao nao mi save tekem kam Tambu Boks blong God fo stap wetem mi?”

Pijin Bible

¹² Den Deved hemi fraet long Yawe, an hemi tok olsem, “?Hao nao mi save tekem kam Tambu Boks blong God fo stap wetem mi?”

1 Kronikols 13:12 ပူးပေါင်းရင်းမြစ်များ

1 Kings 8:27

“!O Lod Yawe! ?Hao nao bae yu save stap kam long disfala wol? Nomata heven wea hemi bikfala tumas, bat heven hemi no fitim yu fo yu stap long hem. Disfala Tambuhaos hemi smolfala fogud an hemi nating fit fo yu stap long hem.

1 Kronikols 13:11

An king hemi filnogud tumas, bikos Yawe hemi kros an hemi panisim man ya olsem. An stat long datfala taem kam kasem tude, olketa gohed fo kolem ples ya, “Peres Usa”, o “Panis blong Usa”.

1 Kronikols 13:13

An hemi no wande tekem kam Tambu Boks long Biktaon blong Deved. So hemi tanem kaat ya fo go long narafala rod, an hemi tekem Tambu Boks go long haos blong Obed-Idom, man blong Gat.

1 Kronikols 21:30

Bat long taem ya, Deved hemi no go nao long tambuples ya fo wosipim God, bikos hemi fraet long naef fo faet blong Enjel blong Yawe.

Sams 119:120

Mi barava seksek fogud bikos mi fraetem yu. Ya, taem mi tingim wei wea yu jajem pipol, mi barava fraet fogud.

Aesaea 6:5

Mi tok olsem, “!Man! !Mi barava no fitim fo laef nao! Evri toktok wea hemi kamaot long maos blong mi hemi fulap nomoa long sin, an mi stap long midol long olketa pipol wea evri toktok blong olketa hemi fulap tu long sin. Nomata olsem, mi bin lukim finis disfala King, Yawe hu hemi garem evri paoa.”

Matiu 25:24

“Nao disfala man hu hemi tekem wanfala bikfala seleni ya hemi kam, an hemi sei, ‘Bos, mi save dat yu wanfala had man tumas ya. Yu save tekem kaikai long gaden wea olketa nara pipol nao olketa bin plantem olketa samting long hem.

1 Samuel 6:20

Olketa krae olsem, “!Olketa! !Yawe ya hemi holi tumas! Yumi barava no fitim fo stap kolsap long Yawe. ?Bae yumi sendem Tambu Boks ya go long wea moa?”