1 Kronikols 1:32 - Pijin Deuterocanon

³² Ebraham hemi garem narafala woman wea nem blong hem Ketura. Woman ya hemi bonem siksfala san wea nem blong olketa i olsem: Simran, an Joksan, an Medan, an Midian, an Isbak, an Sua. Joksan hemi garem tufala san wea nem blong tufala nao i Seba an Dedan.

Pijin Bible

³² Ebraham hemi garem narafala woman wea nem blong hem Ketura. Woman ya hemi bonem siksfala san wea nem blong olketa i olsem: Simran, an Joksan, an Medan, an Midian, an Isbak, an Sua. Joksan hemi garem tufala san wea nem blong tufala nao i Seba an Dedan.

1 Kronikols 1:32 ပူးပေါင်းရင်းမြစ်များ

Jenesis 37:28

So taem olketa bisnisman blong Midian ya i kam kolsap, olketa go long wel ya an pulumaot Josef moa, an salem hem go long olketa bisnisman ya fo tuenti silva seleni, an olketa ya i tekem hem go long Ijip nao.

1 Kings 10:1

Nao Kuin long Seba hemi herem nius wea Yawe hemi mekem King Solomon fo garem barava biknem, so hemi kam fo lukim hem long Jerusalem. Hemi askem olketa had kuestin long king fo testem waes blong hem.

1 Kronikols 1:31

an Jetua, an Nafis, an Kedema. Hem nao olketa san blong Ismael.

1 Kronikols 1:33

An Midian hemi garem faefala san wea nem blong olketa i olsem: Efa, an Efea, an Hanok, an Abida, an Eldaa. Olketa evriwan i kamaot bihaen long woman ya Ketura.

Stori abaotem Job 6:19

Olketa ya from Seba an Tema, i gohed fo lukaotem wata.

Sams 72:10

Hemi gud tumas fo olketa king long Spen an long olketa aelan, bae i mas givim olketa presen long hem. Hemi gud tumas fo tufala king blong Arebia an Itiopia, tufala mas tekem kam olketa presen long hem.

Sams 72:15

God, plis yu letem hem fo king olowe. Letem olketa man blong Arebia bae i givim kam gol long hem. Letem olketa pipol i gohed olowe fo prea fo hem, an yu blesim king ya olowe.

Aesaea 21:13

(Profet) Hem ya profesi abaotem Arebia. Hemi olsem: !Yufala pipol blong Dedan! Taem yufala goraon long olketa ples fo salem olketa kago blong yufala, yufala save putumap olketa haostent blong yufala long drae eria long Arebia.

Aesaea 60:6

Bae olketa tekem staka kamel from Midian an Efa fo karim kam olketa risis long yufala. Olketa hu i kam from Seba, bae i karim kam gol an insens. An bae olketa evriwan i singaot bikfala fo preisim Yawe.

Jeremaea 25:23

an olketa pipol blong trifala taon long Dedan, an Tema, an Bus, an olketa pipol wea i katemsot hea long saet blong hed blong olketa,

Jeremaea 49:8

Yufala hu i stap long Dedan. !Ranawei! !Yufala go haed long kev! Bikos bae mi panisim yufala long laen blong Iso, mekem bikfala trabol hemi kam long yufala.

Esikiel 25:13

Dastawe nao mi Lod Yawe, mi tok olsem: Bae mi agensim olketa blong Idom, an kilim olketa dae wetem evri animol blong olketa tu. Bae mi spoelem datfala kantri finis, mekem hemi kamap nomoa olsem drae eria. Stat long taon long Teman long not go-go kasem taon long Dedan long saot, evriwan bae i dae long faet.

Esikiel 27:20

“Olketa blong Dedan gohed fo mekem bisnis wetem yu, bikos olketa peim olketa gudfala samting blong yu long olketa kaleko fo putum andanit long sea blong hos.

Nambas 25:6

Den Mosis wetem olketa pipol blong Israel i stanap long frant blong Tambu Haostent an gohed fo krae. Long datfala taem, wanfala man hemi tekem kam woman blong laen blong Midian long haostent blong hem, an olketa evriwan i lukim.

Nambas 31:2

“Yufala mas go kilim dae olketa pipol blong Midian fo sensimbaek evrisamting wea olketa bin duim long yufala. An taem yufala panisim olketa finis, bae yu dae.”