1 Korin 8:12 - Pijin Deuterocanon

¹² Long disfala wei wea yufala save duim wanem hemi rong long olketa Kristin fren blong yufala an yufala save spoelem tingting blong olketa wea olketa no strong, yufala duim wanem hemi rong long Kraes nao ya.

Pijin Bible

¹² Long disfala wei wea yufala save duim wanem hemi rong long olketa Kristin fren blong yufala an yufala save spoelem tingting blong olketa wea olketa no strong, yufala duim wanem hemi rong long Kraes nao ya.

1 Korin 8:12 ပူးပေါင်းရင်းမြစ်များ

Jenesis 20:9

Nao hemi kolem kam Ebraham, an hemi tok olsem long hem, “?Waswe nao yu duim diskaen samting long mifala? ?Wanem nao mi duim nogud long yu? ?Waswe nao yu mekem bikfala trabol ya fo kam long mifala? Hemi nating fitim nomoa fo yu duim samting olsem long mi.

Jenesis 42:22

Nao Ruben hemi tok olsem long olketa, “Long taem ya, mi bin talem finis long yufala, ‘Hemi yangfala nomoa ya. Yufala no spoelem hem,’ bat yufala no save herem toktok blong mi. !Distaem yumi gohed fo garem panis nao from dae blong hem!”

Eksodas 16:8

Tude long ivining, bae Yawe hemi givim mit long yufala, an tumoro long moning, bae hemi givim staka bred long yufala fitim wanem yufala laekem. Bae Yawe hemi duim olsem bikos hemi herem finis, wea yufala gohed fo komplen agensim hem. ?Mitufala hu ya? Yufala save, taem yufala komplen agensim mitufala, yufala barava komplen agensim Yawe nomoa ya.”

Eksodas 32:21

Mosis hemi tok olsem long Eron, “?Wanem nao olketa pipol ya i duim long yu fo yu lidim olketa fo duim disfala bikfala sin wea hemi barava nogud tumas olsem?”

Matiu 18:10

An Jisas hemi sei moa, “Yufala mas lukaot, nogud yufala lukdaon long eniwan long olketa smolfala pikinini ya. Mi talem long yufala, olketa enjel blong olketa i stap wetem Dadi blong mi long heven.

Matiu 18:21

Bihaen, Pita hemi kam an hemi askem Jisas olsem nao, “?Masta, sapos brata blong mi hemi go-gohed fo duim samfala samting agensim mi, haomas taem nao bae mi mas gohed fo fogivim hem? ?Ating sevenfala taem nao hemi naf ya?”

Matiu 18:6

“An sapos wanfala man hemi mekem wanfala long olketa smolfala pikinini wea olketa biliv long mi fo lusim biliv blong hem, hemi moabeta sapos olketa taemapem wanfala bikfala ston long nek blong man ya an torowem godaon insaet long dip si.

Matiu 25:40

Long taem ya, mi disfala King ya, bae mi ansarem olketa olsem, ‘Mi talem yufala tru samting nao, taem yufala duim kam enisamting long eniwan long olketa brata o sista blong mi hu hemi lou tumas, yufala duim diswan long mi nao ya.’

Matiu 25:45

An long taem ya, bae mi ansarem olketa olsem, ‘Mi talem yufala tru samting nao, taem yufala no duim enisamting fo helpem eniwan long olketa pipol hu olketa lou tumas ya, yufala no duim enisamting fo helpem mi nao ya.’

Gudnius abaotem Jisas Kraes wea Mak hemi raetem 9:42

An Jisas hemi sei moa, “Sapos wanfala man hemi mekem wanfala long olketa pikinini ya fo lusim biliv blong hem long mi, hemi moabeta sapos olketa taemapem wanfala bikfala ston long nek blong man ya an torowem godaon insaet long si.

Gudnius abaotem Jisas Kraes wea Luk hemi raetem 17:2

Sapos wanfala man hemi mekem wanfala long olketa pikinini wea olketa biliv long mi fo foldaon long sin, hemi moabeta sapos olketa taemapem wanfala bikfala ston long nek blong man ya an torowem godaon insaet long si.

Leta wea Pol hemi raetem go long sios long Rom 14:20

Yufala mas no letem kaikai blong yufala fo spoelem waka blong God. Evri kaikai, olketa gud fo kaikaim nomoa. Bat hemi nogud sapos yufala kaikaim samting wea hemi save mekem eniwan fo foldaon long sin.

1 Korin 12:12

Kraes hemi olsem wanfala bodi wea hemi garem plande haf long hem. Hemi wanfala bodi nomoa ya, nomata hemi garem enikaen deferen haf long hem.

1 Samuel 2:25

Sapos man hemi duim nogud samting long narafala man, bae Yawe hemi save helpem hem fo stretem sin blong hem. ?Sapos man hemi duim eni nogud samting agensim Yawe, hu nao save helpem hem?” Nao tufala ya no herem olketa toktok blong dadi blong tufala, bikos Yawe hemi planem finis fo kilim tufala dae.

1 Samuel 24:11

!Dadi, yu luk kam long pis kaleko ya! !Hem blong yu ya! !Sapos mi wande kilim yu dae, mi save kilim yu dae finis! !Bat mi katem nomoa pis kaleko blong yu! !Yu mas luklukgud long samting ya, hem mas mekem yu save dat mi nating agensim yu, an mi nating tingting fo spoelem yu! !Mi no mekem eni nogud samting long yu, bat yu lukaotem mi fo kilim mi dae!