1 Korin 7:3 - Pijin Deuterocanon

³ Man wea hemi marit hemi mas slip wetem waef blong hem, an woman tu hemi mas slip wetem hasban blong hem.

Pijin Bible

³ Man wea hemi marit hemi mas slip wetem waef blong hem, an woman tu hemi mas slip wetem hasban blong hem.

1 Korin 7:3 ပူးပေါင်းရင်းမြစ်များ

Eksodas 21:10

An sapos man ya hemi maritim narafala woman moa, hemi mas gohed fo givim long fas waef blong hem ya kaikai an kaleko, an hemi mas gohed fo slip wetem hem olsem wea hemi duim bifoa.

1 Korin 7:2

Bat bikos plande pipol tumas olketa i olobaot nomoa, hemi moabeta fo evri man hemi garem waef blong hem seleva, an fo evri woman hemi garem hasban blong hem seleva nomoa.

1 Korin 7:4

Bikos woman hu hemi marit hemi no bos long bodi blong hem seleva, bat hasban nao hemi bos long hem. An man tu hemi no bos long bodi blong hem seleva, bat waef nao hemi bos long hem.

1 Pita 3:7

Yufala olketa marit man, yufala mas tingting gud long waef blong yufala bikos olketa i no strong olsem yufala man. An yufala mas tinghae long olketa bikos God hemi givim laef long olketa olsem hemi givim long yufala. Yufala mas duim diswan, mekem no enisamting save stopem olketa prea blong yufala.