1 Korin 7:11 - Pijin Deuterocanon

¹¹ Bat sapos eni woman hemi lusim hasban blong hem finis, woman ya hemi mas stap singgol nomoa, o hemi mas gobaek an frengud wetem hasban blong hem moa. An man tu hemi mas no divosim waef blong hem.

Pijin Bible

¹¹ Bat sapos eni woman hemi lusim hasban blong hem finis, woman ya hemi mas stap singgol nomoa, o hemi mas gobaek an frengud wetem hasban blong hem moa. An man tu hemi mas no divosim waef blong hem.

1 Korin 7:11 ပူးပေါင်းရင်းမြစ်များ

Aesaea 50:1

Yawe nao hemi tok moa olsem, “Olketa pipol blong mi. ?Waswe, yufala tingse mi bin les nomoa long yufala, olsem man hu hemi divosim waef blong hem? ?Wea nao olketa pepa fo somaot divos ya? ?Yufala tingse mi bin salem yufala nomoa fo olketa pipol long narafala kantri, olsem man hu hemi salem olketa pikinini blong hem fo waka olsem slev long narafala kantri? !Nomoa nao! Olketa bin fosim yufala fo lusim lan blong yufala an go long narafala kantri bikos yufala bin sin tumas, an mi les long yufala bikos wei blong yufala hemi barava nogud tumas.

Jeremaea 3:1

Hem ya nao mesij blong Yawe. Hemi tok olsem, “?Taem wanfala man hemi divosim waef blong hem, an woman ya hemi maritim narafala man; waswe, man ya hemi save tekem kambaek moa disfala woman? Nomoa nao, bikos sapos hemi duim olsem, bae hemi mekem disfala lan fo kamap nogud tumas long ae blong mi. Bat yufala ya, yufala lusim mi barava olsem juri woman wea hemi durong wetem plande man. ?So hao nao yufala save kambaek moa long mi?

Matiu 5:32

Bat mi ya, mi talem long yufala, sapos eni man hemi lusim waef blong hem bat woman ya hemi no durong nomoa wetem eniwan, bae disfala man nao hemi mekem woman ya fo brekem lo blong marit taem hemi maritim nara man moa. An disfala man hu hemi maritim moa woman ya, hemi brekem lo blong marit tu ya.”

Gudnius abaotem Jisas Kraes wea Mak hemi raetem 10:12

Hemi olsem tu, sapos wanfala woman hemi lusim hasban blong hem an maritim moa narafala man, woman ya hemi brekem lo blong marit nao.”

Gudnius abaotem Jisas Kraes wea Mak hemi raetem 10:2

Nao samfala Farasi olketa kam fo trikim Jisas nomoa, so olketa askem hem olsem, “?Waswe, Lo blong yumi hemi save letem man fo lusim waef blong hem?”

Gudnius abaotem Jisas Kraes wea Luk hemi raetem 16:18

“Nao sapos wanfala man hemi lusim waef blong hem an hemi maritim moa narafala woman, man ya hemi brekem lo blong marit nao ya. An sapos wanfala man hemi maritim wanfala woman wea hasban blong hem hemi bin lusim hem finis, man ya hemi brekem lo blong marit tu ya.”

1 Korin 7:10

Nao yufala hu i marit finis, mi wande fo talem go wanfala strong toktok long yufala, wea hemi no toktok blong mi bat blong Masta. Woman hemi mas no lusim hasban blong hem.

1 Korin 7:12

Nao long yufala olketa nara pipol, mi nomoa mi talem toktok wea hemi no blong Masta. Sapos waef blong wanfala Kristin man hemi no biliv long Kraes bat hemi wiling fo stap marit wetem hasban blong hem, man ya hemi mas no divosim disfala woman.

Diutronomi 22:19

Den olketa mas mekem hem peim wanfala faen long 100 silva seleni. Bae olketa mas givim seleni go long dadi blong gele ya, bikos datfala man hemi mekem sem long wanfala gele blong Israel. Gele ya, bae hemi waef blong datfala man olowe nao an hemi nating save divosim gele ya enitaem long laef blong hem.