1 Korin 6:14 - Pijin Deuterocanon

¹⁴ God hemi mekem Masta fo laefbaek moa an long paoa blong hem bae hemi mekem yumi tu fo laefbaek moa ya.

Pijin Bible

¹⁴ God hemi mekem Masta fo laefbaek moa an long paoa blong hem bae hemi mekem yumi tu fo laefbaek moa ya.

1 Korin 6:14 ပူးပေါင်းရင်းမြစ်များ

Aposol 17:31

Bikos God ya, hemi bin makem finis wanfala de wea bae hemi jajem evriwan long disfala wol long hem. Bae hemi jajem evriwan long wei wea hemi stret fogud. An hemi bin makem finis disfala man wea bae hemi jajem olketa pipol olsem, an hemi bin somaot diswan klia long yumi evriwan, from hemi bin mekem disfala man fo laefbaek moa from dae.”

Aposol 2:24

Bat God nao hemi tekem hem aot from disfala paoa blong dae an hemi mekem hem fo laefbaek moa from dae. Bikos hemi had tumas fo dae ya hemi save holem Jisas stap.

Aposol 2:32

Disfala man Jisas, God hemi mekem hem fo laefbaek moa from dae, an mifala evriwan nao i barava lukim diswan long ae blong mifala.

Leta wea Pol hemi raetem go long sios long Rom 8:11

God hemi bin mekem Jisas Kraes fo laefbaek moa from dae. An sapos Spirit blong God hemi stap insaet long yufala, bae God hemi givim laef moa long bodi blong yufala wea i save dae. Hemi duim diswan from Spirit blong hem wea hemi stap insaet long yufala.

1 Korin 15:23

Bat bae evriwan i falom barava gudfala taem blong hem. Kraes nao hemi bin laefbaek fastaem long evriwan. An taem hemi kambaek, bae olketa pipol blong hem olketa laefbaek tu.

2 Korin 13:4

Taem olketa nilam hem dae long kros, hemi wikfala man, bat distaem hemi stap laef long paoa blong God. An mifala tu wea mifala joen wetem hem, mifala wikfala man, bat mifala stap laef wetem hem long paoa blong God. An bae mifala go fo stretem yufala long disfala paoa.

2 Korin 4:14

Mifala save dat God hemi bin mekem Masta blong yumi Jisas fo laefbaek moa. An bae hemi mekem mifala fo laefbaek olsem Jisas tu, an bae hemi tekem yumi go kasem ples blong hem.

Filipae 3:21

An bae hemi mekem olketa wik bodi blong yumi fo sens an kamap nambawan tumas olsem bodi blong hem seleva. Bae hemi duim diswan long disfala bikfala paoa blong hem wea hemi save yusim fo kontrolem evrisamting.

1 Tesalonaeka 4:14

Bat yumi biliv dat Jisas hemi dae, an hemi laefbaek moa. Dastawe nao yumi biliv dat God bae hemi duim olsem tu long olketa hu i biliv finis bifoa olketa dae. Bae God hemi tekem olketa tugeta wetem Jisas fo go kasem hem seleva.