1 Korin 4:17 - Pijin Deuterocanon

¹⁷ An dastawe nao mi sendem go Timoti, disfala man wea hemi olsem gudfala pikinini blong mi wea hemi duim gudfala waka tumas fo Masta. Bae hemi tisim yufala moa abaotem olketa rul wea mi falom long disfala niu laef wea yumi stap joen wetem Jisas Kraes, olsem mi save tisim olketa pipol blong sios long evri ples.

Pijin Bible

¹⁷ An dastawe nao mi sendem go Timoti, disfala man wea hemi olsem gudfala pikinini blong mi wea hemi duim gudfala waka tumas fo Masta. Bae hemi tisim yufala moa abaotem olketa rul wea mi falom long disfala niu laef wea yumi stap joen wetem Jisas Kraes, olsem mi save tisim olketa pipol blong sios long evri ples.

1 Korin 4:17 ပူးပေါင်းရင်းမြစ်များ

Provebs 13:17

Man hu hemi talem ravis tok, hemi save mekem trabol. Man pipol trastem fo toktru, hemi save mekem piis.

Nambas 12:7

Bat hemi no olsem long Mosis hu hemi spesol wakaman blong mi. Hem nomoa hemi lida long pipol blong mi.

Matiu 24:45

Nao Jisas hemi sei moa, “?Hu nao wakaman hu hemi waes an hemi kipim promis olowe? Hem nao disfala man wea bos blong hem hemi putum hem fo lukaftarem olketa nara wakaman, mekem hem nao hemi save givim kaikai long olketa wakaman long barava taem fo kaikai.

Matiu 25:21

Long taem ya, bos blong hem hemi sei, ‘!Oo gud tumas! Yu ya, yu gudfala wakaman wea yu kipim promis olowe ya. Yu bin lukaftarem gud disfala smolfala waka ya, olsem, bae mi putum yu fo lukaftarem plande samting moa. Yu kam an joen wetem mi fo gohed fo hapi olowe.’

Matiu 25:23

Long taem ya, bos blong hem hemi sei long hem tu, ‘!Oo gud tumas! Yu ya, yu gudfala wakaman wea yu kipim promis olowe ya. Yu bin lukaftarem gud disfala smolfala waka ya, olsem, bae mi putum yu fo lukaftarem plande samting moa. Yu kam an joen wetem mi fo gohed fo hapi olowe.’

Aposol 16:1

Pol an Saelas tufala go kasem taon long Debe, an bihaen, tufala go moa long taon long Listra, wea wanfala Kristin, nem blong hem Timoti nao, hemi stap. Mami blong man ya hemi wanfala Jiu hu hemi Kristin, bat dadi blong hem hemi man blong Grik.

1 Korin 11:16

Sapos eniwan hemi laek fo raoa abaotem diswan, mi jes talem nomoa olsem, mifala wetem olketa sios blong God ya, mifala no garem eni nara wei fo falom.

1 Korin 11:2

Mi tokhae long yufala bikos yufala no fogetem olketa wei blong mi an yufala barava falom disfala Kristin tising wea mi bin herem an mi givim go long yufala.

1 Korin 11:34

An sapos eniwan hemi hanggre tumas, hemi mas kaikai kam long haos blong hem fastaem. Nogud God hemi jajem yufala from nogud wei blong yufala taem yufala kaikai tugeta. Nao abaotem olketa narasamting moa ya, bae mi stretem taem mi kam kasem yufala.

1 Korin 14:33

Bikos God hemi no laekem yumi fo enihao nomoa long olketa samting long sios, bat hemi laekem yumi fo stap gudfala tugeta. Olsem olketa pipol blong God long evri sios olketa tingim finis,

1 Korin 16:1

Nao mi wande fo talem yufala abaotem disfala koleksin fo helpem olketa pipol blong God long provins long Jiudia. Yufala mas duim wanem mi talem finis long olketa sios long provins long Galesia.

1 Korin 16:10

Sapos Timoti hemi kasem yufala, yufala mas lukaotem hem gudfala bikos hem tu hemi waka fo Masta olsem mi ya.

1 Korin 4:14

Mi no raetem disfala toktok long yufala fo mekem yufala filsem. Nomoa. Mi lavem yufala olsem olketa pikinini blong mi, an mi laek fo stretem tingting blong yufala nomoa.

1 Korin 4:15

Nomata sapos yufala garem 10,000 pipol fo tisim yufala long wei blong Kraes, wanfala man nomoa hemi olsem dadi blong yufala. Mi tekem kam disfala Gudnius long yufala ya, mekem mi nao mi kamap olsem dadi blong yufala long saet blong Jisas Kraes.

1 Korin 4:2

Nao wakaman ya, hemi mas duim gudfala waka fo Masta blong hem.

1 Korin 7:17

Yumi evriwan mas gohed nao long diskaen laef wea Masta hemi givim long yumi finis. Hemi diskaen laef wea yumi stap long hem taem God hemi kolem yumi. Diswan nao hemi wanfala rul wea mi talemaot long evri sios.

1 Korin 7:25

Nao long toktok abaotem yufala pipol hu i no marit, mi no garem eni lo blong Masta, bat mi save talem go tingting blong mi seleva, bikos Masta hemi bin sore an kaen long mi an hemi mekem mi kamap man wea yufala save trastem.

2 Korin 8:18

An mifala sendem go wanfala brata tu wetem Taetas. Long evri sios olketa tinghae tumas long hem from waka blong hem fo talemaot Gudnius.

Efesas 6:21

Tikikas nao bae hemi talemaot long yufala evri nius abaotem mi ya. Hemi gudfala fren blong yumi wea hemi wanfala gudfala wakaman blong Masta.

Filipae 2:19

Sapos hemi gud long tingting blong Jisas Masta blong yumi, bae no longtaem, mi sendem go Timoti fo visitim yufala, mekem mi save filgud moa long taem mi herem samfala gudfala nius abaotem yufala.

Filipae 2:22

Bat yufala luksave finis dat Timoti hemi no olsem olketa kaen pipol ya. Hemi bin helpem mi gudfala long disfala waka blong Gudnius, olsem wanfala pikinini hemi save helpem dadi blong hem.

Kolosi 1:7

Gudfala fren Epafras wea hemi waka wetem mifala, hem nao hemi tisim olketa samting abaotem lav blong God long yufala. Hemi helpem mifala ya wea hemi wanfala gudfala wakaman long disfala waka blong Kraes.

Kolosi 4:9

An mi sendem tu wantok blong yufala Onesimas fo go wetem hem. Onesimas hemi gudfala fren blong yumi wea yumi save trastem hem tumas. Tufala nao bae i talemaot long yufala evrisamting wea hemi hapen finis long disfala ples ya.

1 Timoti 1:18

Yu Timoti san blong mi, olketa toktok wea mi talem go long yu, olketa falom nomoa olketa toktok wea olketa profet i bin talemaot abaotem yu finis. Yu mas letem olketa toktok ya fo helpem yu fo faet agensim olketa ravis wei blong wol.

1 Timoti 1:2

Mi raet go long yu Timoti. Yu barava olsem san blong mi bikos yumitufala biliv long Kraes. Letem kaenfala lav, an sore, an piis blong God Dadi blong yumi an Jisas Kraes Masta blong yumi, hemi stap wetem yu.

2 Timoti 1:2

Mi raet go long yu Timoti, wea yu olsem gudfala san blong mi. Letem kaenfala lav, an sore, an piis blong God Dadi blong yumi an blong Jisas Kraes Masta blong yumi, hemi stap wetem yu.

2 Timoti 2:2

An olketa tising wea yu bin herem mi talemaot long plande pipol, yu mas talem go long olketa gudfala man, wea olketa fit fo tisim olketa nara pipol abaotem olketa tising ya.

2 Timoti 3:10

Bat yu nao, yu luksave finis long tising blong mi an long laef blong mi an long olketa samting wea mi wande duim. Yu luksave finis long biliv blong mi, an long wei wea mi kaen gudfala, an long wei wea mi lavem evriwan, an long wei wea mi stanap strong long hadtaem.

Taetas 1:5

Mi letem yu stap long aelan long Krit, mekem yu stretem samfala waka wea yumi no finisim yet. Yu mas siusim samfala man fo kamap lida insaet sios long evri taon, olsem mi talem yu finis.

Revelesin 2:10

Yufala mas no fraet long enisamting wea bae hemi kam fo mekem yufala safa. Yufala save, Seitan bae hemi putum samfala long seksin blong yufala insaet long prisin fo traem yufala. An olketa trabol blong yufala bae hemi gohed fo tenfala de. Bat yufala mas biliv strong long mi nomoa, nomata yufala dae long hem. An sapos yufala duim diswan, bae mi givim yufala niufala laef wea hemi olsem nambawan praes olketa givim long man hu hemi win long resis.

Revelesin 2:13

Mi save finis dat yufala stap long ples wea Seitan hemi rul ovarem, bat yufala nao i stanap long saet blong mi. Olketa long taon blong yufala wea Seitan hemi stap long hem, olketa bin kilim dae Antipas hu hemi save talemaot stret toktok blong mi. Bat nomata hem olsem long taem ya, yufala nating lusim biliv blong yufala long mi.