1 Korin 16:7 - Pijin Deuterocanon

⁷ Mi no wande fo jes stap wetem yufala sotfala taem nomoa. Mi tingting strong fo kam stap lelebet longtaem wetem yufala ya, sapos Masta hemi letem.

Pijin Bible

⁷ Mi no wande fo jes stap wetem yufala sotfala taem nomoa. Mi tingting strong fo kam stap lelebet longtaem wetem yufala ya, sapos Masta hemi letem.

1 Korin 16:7 ပူးပေါင်းရင်းမြစ်များ

Provebs 19:21

Pipol planem plande plan, bat plan blong Yawe nomoa hemi kamap.

Jeremaea 10:23

O Yawe. Mi save dat no eni man save mekem laef blong hem fo kamap barava olsem hemi laekem. Hemi kanduit kamap bos long laef blong hem.

Matiu 3:15

Nao Jisas hemi ansarem Jon olsem, “Yu letem kam fo hapen olsem nao, mekem yumi duim wanem God hemi laekem.” So Jon hemi wanmaen wetem Jisas fo baptaesim hem nao.

Aposol 18:21

Bat taem hemi redi fo go, hemi talem olketa olsem, “Sapos God hemi wiling, bae mi kambaek moa fo lukim yufala.” Bihaen, hemi go long sip an hemi lusim Efesas moa.

Leta wea Pol hemi raetem go long sios long Rom 1:10

Mi prea wea sapos hemi stret long tingting blong God, hemi mas helpem mi fo kam kasem yufala.

1 Korin 4:19

Bat sapos God hemi letem mi, bae no longtaem nomoa mi kam long yufala nao. An long taem ya, bae mi no herem nomoa olketa toktok blong olketa man bikhed ya, bat bae mi mas lukim watkaen paoa nao olketa maet garem.

2 Korin 1:15

Mi biliv strong long diswan, dastawe nao mi bin tingim fo go lukim yufala fastaem, mekem yufala save hapi bikos bae mi visitim yufala tufala taem.

Jemes 4:15

So yufala mas tok olsem, “Sapos hemi oraet long Masta an yumi laef yet, bae yumi save duim wanem yumi tingim.”