1 Korin 16:11 - Pijin Deuterocanon

¹¹ No eniwan long yufala i mas lukdaonem hem, bat yufala mas helpem hem fo gohed gudfala long gogo blong hem, mekem hemi kambaek long mi. Bikos mi weitem hem fo kam wetem olketa nara Kristin fren ya.

Pijin Bible

¹¹ No eniwan long yufala i mas lukdaonem hem, bat yufala mas helpem hem fo gohed gudfala long gogo blong hem, mekem hemi kambaek long mi. Bikos mi weitem hem fo kam wetem olketa nara Kristin fren ya.

1 Korin 16:11 ပူးပေါင်းရင်းမြစ်များ

Gudnius abaotem Jisas Kraes wea Luk hemi raetem 10:16

An Jisas hemi sei moa, “Eniwan hu hemi herem toktok blong yufala, hemi save herem toktok blong mi tu ya. An eniwan hu hemi nating laekem yufala, hemi nating laekem mi tu ya. An eniwan hu hemi nating laekem mi, hemi nating laekem disfala man hu hemi sendem mi kam tu.”

Aposol 15:3

Olketa long sios i helpem olketa long gogo blong olketa, an olketa wakabaot gopas long provins long Fonisia an long provins long Samaria. An olketa talemaot hao plande pipol hu i no Jiu olketa bin stat fo biliv long Jisas. An olketa Kristin long olketa ples ya olketa barava hapi fogud fo herem diswan.

Aposol 15:33

Taem tufala bin stap longtaem long Antiok finis, olketa Kristin olketa talem piis an gudbae long tufala. An tufala go-gobaek moa long olketa pipol wea olketa bin sendem tufala fo kam.

1 Korin 16:10

Sapos Timoti hemi kasem yufala, yufala mas lukaotem hem gudfala bikos hem tu hemi waka fo Masta olsem mi ya.

1 Korin 16:6

Ating bae mi stap lelebet longtaem wetem yufala, maet mi stap kasem en long taem blong raf si. An bae yufala nao save helpem mi fo gohed moa long gogo blong mi, long watkaen ples nao mi bae go long hem.

2 Korin 1:16

Hemi olsem bikos mi plan fo lukim yufala taem mi goap long provins long Masedonia, an bae mi lukim yufala moa long taem mi kambaek. Mi tingse bae yufala nao save helpem mi fo go kasem Jiudia.

1 Tesalonaeka 4:8

Olsem, sapos eniwan hemi agensim disfala tising, hemi no agensim tingting blong man. Nomoa. Hemi agensim God hu hemi givim Holi Spirit blong hem long yufala.

1 Timoti 4:12

Yu no letem eniwan fo tingdaonem yu from yu yangfala man nomoa. Nomoa ya. Yu mas somaot gudfala wei long olketa Kristin pipol, mekem olketa save falom yu long toktok blong yu an long laef blong yu an long lav blong yu an long biliv blong yu an long stretfala wei blong yu.

Taetas 2:15

Oltaem yu mas tisim olketa pipol abaotem evrisamting mi tokabaotem. Yu mas yusim evri paoa wea yu garem fo strongim tingting blong olketa an fo tokhad long olketa taem olketa no falom toktok ya. Nogud nao samfala man save tingdaonem yu.

3 Jon 1:6

Taem olketa kam long hia, olketa bin talem evriwan long sios hao yu lavem olketa. So enitaem olketa kasem yu, yu mas helpem olketa long wei wea God hemi hapi long hem, mekem olketa save gohed long gogo blong olketa moa.