1 Korin 15:34 - Pijin Deuterocanon

³⁴ Yufala mas stat tingting gudfala moa, an yufala mas finis from disfala wei blong sin. Samfala long yufala, olketa nating save long God, an mi talem diswan mekem yufala filsem long hem.

Pijin Bible

³⁴ Yufala mas stat tingting gudfala moa, an yufala mas finis from disfala wei blong sin. Samfala long yufala, olketa nating save long God, an mi talem diswan mekem yufala filsem long hem.

1 Korin 15:34 ပူးပေါင်းရင်းမြစ်များ

Sams 119:11

Mi mas tingim olketa tru toktok blong yu olowe, mekem mi no save sin agensim yu.

Sams 4:4

Sapos yufala filkros, yufala mas no letem kros blong yufala fo mekem yufala duim wanem hemi rong. Yufala mas tingting gudfala abaotem samting ya, taem yufala stap kuaet long bed blong yufala.

Jeremaea 9:3

Hem ya nao mesij blong Yawe. Hemi tok olsem, “Long sem wei wea olketa soldia i redim bou fo sutim, olketa pipol ya i yusim tang blong olketa olsem bou, an laea blong olketa olsem aro. Oltaem olketa gohed fo laea, an long wei ya, olketa bin kamap strong long disfala lan. Taem olketa mekem wanfala sin finis, olketa gohed fo mekem narawan moa, an no eniwan long olketa hemi luksave dat mi nao God blong olketa.

Joel 1:5

!Wekap an krae, yufala evri drang man! Olketa grep fo mekem niufala waen hemi finis nao.

Jona 1:6

Taem kapten hemi lukim hem, hemi hatem hem olsem, “!Ei! ?Hao nao yu slip nomoa olsem? !Yu wekap an prea go long god blong yu! Maet hemi save sore long yumi an bae yumi no dae.”

Matiu 22:29

Nao Jisas hemi ansarem olketa olsem, “Yufala ya, yufala nating save long Buktambu an yufala nating save long paoa blong God ya, dastawe nao yufala garem rong tingting olsem.

Gudnius abaotem Jisas Kraes wea Jon hemi raetem 5:14

Bihaen nao, Jisas hemi jes mitim man ya moa insaet long Tambuhaos ya, so hemi tok olsem long hem, “Yu lukim, long distaem yu gudbaek nao ya. So yu mas no duim moa olketa nogud samting ya, mekem no enisamting hemi kasem yu wea hemi barava nogud moa.”

Gudnius abaotem Jisas Kraes wea Jon hemi raetem 8:11

Nao woman ya hemi sei, “Masta, no eniwan nao.” Nao Jisas hemi sei, “Mi tu mi no talem enisamting agensim yu. So yu gobaek, bat yu mas no duim eni rong samting moa.”

Aposol 26:8

?Bat waswe nao samfala long yufala i tingim hemi had samting tumas fo God hemi mekem eniwan fo laefbaek moa?

Leta wea Pol hemi raetem go long sios long Rom 1:28

An bikos olketa les fo save long God, God hemi letem olketa fo falom nomoa ravis tingting blong olketa seleva, an olketa duim nomoa olketa samting wea no fit fo pipol i duim.

Leta wea Pol hemi raetem go long sios long Rom 13:11

Mi talem yufala fo duim olketa samting ya, bikos yufala save finis long disfala taem wea yumi stap long hem. Hemi kasem taem nao fo yufala wekap long slip blong yufala, bikos distaem hemi kolsap tumas nao fo God hemi kam fo sevem yumi, winim taem wea yumi jes stat fo biliv.

1 Korin 4:14

Mi no raetem disfala toktok long yufala fo mekem yufala filsem. Nomoa. Mi lavem yufala olsem olketa pikinini blong mi, an mi laek fo stretem tingting blong yufala nomoa.

1 Korin 6:5

?Maewat, yufala no save filsem ya? ?Waswe, no eni man hemi stap insaet long sios wea hemi garem gudfala save, mekem hem nao hemi save stretem eni raoa wea olketa Kristin maet garem?

1 Korin 8:7

Bat nomata olsem, i no evriwan nao i savegud abaotem diswan ya. Samfala pipol olketa bin wosipim tumas olketa laea god bifoa. Nao kam kasem distaem, taem olketa kaikaim diskaen mit, olketa tingim diswan olsem samting blong olketa laea god nomoa. Tingting blong olketa hemi no strong, an olketa tingse mit ya hemi mekem olketa fo no klin nao.

Efesas 5:14

Bikos enisamting wea olketa pipol barava luksave long hem, hemi kamap olsem laet nao. Dastawe nao olketa save sei, “!Yufala hu i save slip, yufala wekap nao! Yufala laefbaek moa from dae, mekem laet blong Kraes hemi saenaot long yufala.”

1 Tesalonaeka 4:5

An yufala mas no laekem tumas fo durong wetem eniwan, olsem olketa pipol hu i no biliv long God.