1 Korin 15:28 - Pijin Deuterocanon

²⁸ Nao taem evrisamting hemi stap andanit long paoa blong San Blong God finis, bae hemi putum hem seleva andanit long paoa blong God hu hemi bin givim hem paoa ovarem evrisamting. So long wei ya, bae God nomoa hemi garem evri paoa ovarem evrisamting.

Pijin Bible

²⁸ Nao taem evrisamting hemi stap andanit long paoa blong San Blong God finis, bae hemi putum hem seleva andanit long paoa blong God hu hemi bin givim hem paoa ovarem evrisamting. So long wei ya, bae God nomoa hemi garem evri paoa ovarem evrisamting.

1 Korin 15:28 ပူးပေါင်းရင်းမြစ်များ

Sams 18:39

Yu nao bin mekem mi strong fo faet, mekem mi winim olketa enemi blong mi.

Sams 18:47

Oltaem, yu nomoa yu gohed fo panisim olketa enemi blong mi, an yu gohed fo mekem mi winim olketa.

Gudnius abaotem Jisas Kraes wea Jon hemi raetem 14:28

Yufala herem finis taem mi tok olsem long yufala, ‘Bae mi lusim yufala, an bae mi kambaek long yufala moa.’ Sapos yufala lavem mi, bae yufala hapi nomoa, bikos bae mi go long Dadi ya wea hemi bikfala moa winim mi.

1 Korin 11:3

Bat distaem mi laekem yufala fo savegud dat God nao hemi hed blong Kraes, an Kraes nao hemi hed blong evri man, an evri man nao hemi hed blong waef blong hem.

1 Korin 12:6

An yumi garem olketa deferen kaen save fo duim waka, bat wanfala God nomoa hemi givim olketa save ya long evriwan fo duim olketa kaen waka ya.

1 Korin 15:29

?Waswe, from wanem nao olketa pipol save baptaes fo helpem olketa hu i dae finis? ?Sapos hemi tru wea olketa hu i dae finis olketa no save fo laefbaek, waswe nao olketa pipol i gohed fo baptaes fo helpem olketa?

1 Korin 3:23

An yufala ya, yufala i blong Kraes, an Kraes hemi blong God.

Efesas 1:23

Sios hemi bodi blong Kraes, an hemi fulap long laef blong Kraes. An laef blong Kraes nao hemi fulumapem evrisamting long evriwea.

Filipae 3:21

An bae hemi mekem olketa wik bodi blong yumi fo sens an kamap nambawan tumas olsem bodi blong hem seleva. Bae hemi duim diswan long disfala bikfala paoa blong hem wea hemi save yusim fo kontrolem evrisamting.

Kolosi 3:11

An falom diswan, evri pipol olketa semsem nomoa. Nomata yumi man blong Jiu o nomoa, nomata yumi mekem olketa boe fo kate o nomoa, nomata yumi no skul o yumi blong bus o yumi slev o yumi stap fri man nomoa, Kraes nao hemi nambawan samting long laef blong yumi, an Kraes nao hemi stap insaet long yumi evriwan.