1 Korin 14:31 - Pijin Deuterocanon

³¹ Long wei ya, yufala evriwan i save talemaot mesij blong God, wea yufala no toktok long semtaem. An olsem, evriwan nao i save lanem samting an kamap strong moa.

Pijin Bible

³¹ Long wei ya, yufala evriwan i save talemaot mesij blong God, wea yufala no toktok long semtaem. An olsem, evriwan nao i save lanem samting an kamap strong moa.

1 Korin 14:31 ပူးပေါင်းရင်းမြစ်များ

Provebs 1:5

Letem waes man kamap waes moa, an save lidim man wea skul gud,

Provebs 9:9

Tisim waes man bae hemi waes go moa, tisim stret man bae hemi save go moa

Leta wea Pol hemi raetem go long sios long Rom 1:12

Wanem mi minim nao hemi olsem, biliv blong yufala bae hemi save helpem mi fo gohed strong, an biliv blong mi bae hemi save helpem yufala fo gohed strong tu.

1 Korin 14:19

Bat taem mi stap wetem olketa long sios, mi laek fo tisim olketa. An nomata mi talem nomoa faefala wod wea olketa save heremsave, hem nao hemi moabeta winim sapos mi talemaot plande taosen wod long olketa spesol kaen langguis.

1 Korin 14:3

Bat eniwan hu hemi talemaot mesij blong God, hemi toktok long olketa pipol. Hemi helpem biliv blong olketa fo grou moa an hemi mekem tingting blong olketa fo kamap strong, an hemi helpem olketa fo filgud moa.

1 Korin 14:30

Bat sapos God bae hemi somaot kam samfala samting long wanfala hu i stap wetem yufala ya, bae man wea hemi go-gohed fo toktok ya, hemi mas weit fastaem.

1 Korin 14:32

Olketa pipol hu i save talemaot eni mesij blong God olketa mas duim diswan long gudfala wei.

1 Korin 14:35

Sapos olketa laek fo save long enisamting, olketa save askem hasban blong olketa taem olketa kam kasem haos. Hemi luk nogud fo woman hemi toktok long miting ya.

2 Korin 1:4

Hem nao hemi strongim tingting blong mifala long taem blong enikaen trabol. Long wei ya, mifala save strongim tingting blong olketa nara pipol hu i garem enikaen trabol, long sem wei wea God hemi duim long mifala.

Efesas 6:22

Mi sendem hem go long yufala fo talemaot gud olketa nius abaotem mifala ya an fo strongim tingting blong yufala.

Kolosi 2:2

Mi duim waka ya fo mekem tingting blong yufala evriwan fo stanap strong an fo mekem yufala lavem gud evriwan long yufala. Long wei ya, tingting blong yufala hemi barava savegud moa long disfala gudfala save abaotem Kraes, wea God hemi mekem fo staphaed bifoa.

1 Tesalonaeka 4:18

So hemi gud tumas fo yufala strongim tingting blong yufala evriwan long olketa toktok ya.

1 Tesalonaeka 5:11

From diswan nao, yufala mas gohed fo strongim tingting blong yufala, an yufala mas helpem yufala evriwan olsem yufala duim distaem.

1 Tesalonaeka 5:14

Olketa Kristin fren, mifala talem strong moa long yufala fo wonem olketa hu i les tumas fo waka. Yufala mas helpem olketa hu i fraet tumas, an strongim moa tingting blong olketa. Yufala mas helpem olketa wea tingting blong olketa hemi wik tumas, an no raf long eniwan.

1 Tesalonaeka 5:20

An yufala mas no lukdaon long toktok wea olketa sei hemi wanfala mesij blong God.