1 Korin 13:6 - Pijin Deuterocanon

⁶ Lav hemi save mekem man fo no hapi long olketa ravis samting, bat hemi save mekem man fo hapi wetem wanem hemi tru.

Pijin Bible

⁶ Lav hemi save mekem man fo no hapi long olketa ravis samting, bat hemi save mekem man fo hapi wetem wanem hemi tru.

1 Korin 13:6 ပူးပေါင်းရင်းမြစ်များ

Sams 10:3

Olketa nogud pipol i gohed fo tokpraod long olketa nogud samting wea olketa laekem. An olketa wea i laek fo garem evrisamting, i tok nogud long yu an i tanem baeksaet long yu.

Sams 119:136

Taem mi lukim olketa pipol i no save obeim olketa gudfala tising blong yu, mi barava sore tumas an mi krae.

Eksodas 18:9

Taem Jetro hemi herem wanem Yawe bin duim fo sevem olketa pipol blong Israel from olketa blong Ijip, hemi barava hapi tumas,

Provebs 14:9

Krangge man hemi mekfan long wei fo stretem samting, bat God hemi hapi long stretfala pipol.

Jeremaea 13:17

Bat sapos yufala no herem toktok ya, bae mi go long ples wea man hemi no save lukim mi, an mi gohed fo krae fo yufala, bikos yufala praod tumas. Bae mi barava krae, an tias blong mi i ran bikfala, bikos olketa enemi blong yumi bae olketa kam winim yumi an fosim yumi fo stap long narafala ples.

Jeremaea 20:10

Mi herem olketa pipol gohed fo tokhaed agensim mi olsem, “Oltaem profet ya hemi talem yumi wea plande samting fo mekem yumi fraet fogud, hemi stap evriwea raonem yumi. !Yumi sud kolem hem long nem ya ‘Fraet Raonem Evriwea’! Yumi mas go ripotem hem long olketa bikman.” Nomata olketa fren blong mi tu i weit nomoa fo lukim dat mi duim enikaen rong samting. Olketa gohed fo tok olsem, “Maet samwan save trikim hem, mekem yumi save winim hem an sensimbaek wanem hemi bin duim long yumi.”

Jeremaea 9:1

Hemi moabeta sapos hed blong mi hemi olsem wanfala wel wea hemi fulap long wata, an hemi moabeta sapos ae blong mi hemi olsem wanfala springwata. Den oltaem long de an long naet, mi save krae fo olketa pipol blong mi, wea olketa enemi kilim olketa dae.

Hosia 4:8

Yufala kamap ris from olketa sin blong olketa pipol blong mi, hem nao yufala laekem tumas fo olketa gohed moa fo sin.

Hosia 7:3

Yawe hemi gohed fo tok olsem, “King wetem evri bikman blong hem i hapi tumas fo lukim olketa ravis samting wea olketa pipol i duim, an fo herem olketa laea wea olketa talem.

Maeka 7:8

(Profet) Nomata yumi foldaon finis, bat olketa enemi blong yumi nating save hapi nomoa long disfala trabol. Yumi foldaon, bat bae yumi stanap moa. Nomata yumi stap long tudak, bat Yawe seleva nao bae hemi laet blong yumi.

Matiu 18:13

An mi talem yufala tru samting nao, sapos hemi faendem, bae hapi blong hem wetem disfala sipsip ya, hemi winim go moa hapi blong hem wetem olketa 99 sipsip wea olketa no go lus nomoa.

Gudnius abaotem Jisas Kraes wea Luk hemi raetem 22:5

Taem ya, olketa barava hapi fogud nao, an olketa talem dat bae olketa save givim seleni long hem.

Leta wea Pol hemi raetem go long sios long Rom 1:32

Olketa save finis wea stretfala toktok blong God hemi sei olketa pipol hu i duim olketa samting olsem, hemi fit fo olketa dae nomoa. Bat nomata olsem, olketa gohed nomoa fo duim olketa samting ya, an olketa hapi tu long olketa nara pipol hu i duim semsamting.

Leta wea Pol hemi raetem go long sios long Rom 12:9

Taem yufala lavem olketa pipol, yufala mas barava minim. Yufala mas heitem wanem hemi ravis, an yufala mas holestrong long wanem hemi gudfala.

Filipae 1:18

Bat nomata olsem, hemi gud nomoa fo olketa talemaot toktok abaotem Kraes long enikaen wei. Mi hapi long hem, nomata olketa falom rong tingting blong olketa seleva o olketa falom stretfala tingting. An bae mi gohed fo hapi moa,

Filipae 1:4

An mi hapi tumas evritaem mi prea fo yufala evriwan.

Filipae 3:18

Plande pipol i gohed long wei wea olketa i enemi long waka wea Kraes hemi bin duim long kros. Mi bin talem yufala diswan plande taem finis, an mi sore tumas bikos mi mas talem yufala moa.

2 Tesalonaeka 2:12

Bikos olketa no biliv long tru toktok, an olketa hapi fo duim olketa ravis samting, God bae hemi jajem olketa ya.

2 Jon 1:4

Mi hapi fogud taem mi herem dat samfala long olketa pikinini blong yu i gohed fo falom tru toktok, olsem wea God Dadi blong yumi hemi bin talem yumi fo duim.