1 Korin 11:30 - Pijin Deuterocanon

³⁰ Dastawe nao plande long yufala, olketa wik an olketa sik an samfala olketa dae finis tu.

Pijin Bible

³⁰ Dastawe nao plande long yufala, olketa wik an olketa sik an samfala olketa dae finis tu.

1 Korin 11:30 ပူးပေါင်းရင်းမြစ်များ

Eksodas 15:26

Hemi tok olsem, “Sapos yufala barava obeim mi, Yawe God blong yufala, an sapos yufala duim wanem nao hemi stret long ae blong mi, an sapos yufala lisin long olketa rul blong mi, an sapos yufala falom olketa lo blong mi, bae mi nating sendem long yufala olketa sik wea mi bin sendem kam long olketa blong Ijip. Mi nao Yawe hu mi hilim yufala.”

Emos 3:2

Long evri pipol long wol, yufala nomoa mi bin siusim fo kamap olketa pipol blong mi. Bat bikos yufala sin tumas agensim mi, bae mi barava panisim yufala.?

Nambas 20:12

Bat bihaen, Yawe hemi tok olsem long tufala, “!Yutufala no biliv long mi taem yutufala nating som long pipol olsem wea mi Holi, an mi garem evri paoa! So bae yutufala no save lidim olketa fo go insaet long lan wea mi bin promis fo givim long yufala.”

Nambas 20:24

“Eron, bae hemi no save go kasem disfala lan wea mi bin promis fo givim long yufala. Bae hemi dae long hia, bikos yutufala agensim mi an no obeim toktok blong mi long Meriba.

Aposol 13:36

Yumi save, taem Deved hemi laef yet, hemi duim wanem God hemi laekem hem fo duim. Bat taem hemi dae, olketa berem hem wetem olketa olo blong hem, an bodi blong hem hemi go roten.

Aposol 7:60

An hemi nildaon long graon an hemi singaot olsem, “!Masta, plis yu no sensimbaek disfala sin blong olketa!” Taem hemi talem diswan nomoa, hemi dae nao.

1 Korin 11:29

Bikos sapos eniwan hemi gohed kaikaim disfala bred an dring long disfala kap, bat hemi no luksave dat diswan hemi bodi blong Masta ya, man ya hemi putum hem seleva andanit long panis blong God nao ya.

1 Korin 11:31

Sapos yumi luksave gud long tingting blong yumi seleva fastaem, bae yumi no save kam andanit long panis blong God.

1 Korin 11:32

Bat Masta hemi jajem yumi distaem fo stretem yumi nomoa. Long wei ya, bae yumi no save kasem panis nogud wetem olketa pipol blong disfala wol.

1 Korin 15:51

Mi laek fo talem wanfala samting long yufala wea hemi bin staphaed. Bae yumi no dae evriwan ya, bat taem yumi herem disfala las trampet hemi krae ya, bae yumi evriwan i sens go kuiktaem nomoa. Ya taem disfala trampet hemi krae ya, God nao bae hemi mekem olketa hu i dae finis fo laefbaek moa an stap olowe nao. An yumi hu laef yet, bae yumi sens tu.

1 Tesalonaeka 4:14

Bat yumi biliv dat Jisas hemi dae, an hemi laefbaek moa. Dastawe nao yumi biliv dat God bae hemi duim olsem tu long olketa hu i biliv finis bifoa olketa dae. Bae God hemi tekem olketa tugeta wetem Jisas fo go kasem hem seleva.

Revelesin 3:19

Olketa pipol wea mi lavem olketa tumas, mi save tokstrong long olketa, an mi save panisim olketa tu. So yufala mas tinghevi long mi an lusim olketa ravis wei blong yufala.