1 Korin 10:23 - Pijin Deuterocanon

²³ Nao hemi tru ya, “Yumi fri fo duim enisamting nomoa.” Bat i no evrisamting nao wea hemi save helpem yumi. “Yumi fri fo duim enisamting nomoa,” bat i no evrisamting nao wea hemi save mekem yumi kamap strong.

Pijin Bible

²³ Nao hemi tru ya, “Yumi fri fo duim enisamting nomoa.” Bat i no evrisamting nao wea hemi save helpem yumi. “Yumi fri fo duim enisamting nomoa,” bat i no evrisamting nao wea hemi save mekem yumi kamap strong.

1 Korin 10:23 ပူးပေါင်းရင်းမြစ်များ

Leta wea Pol hemi raetem go long sios long Rom 14:15

Sapos yufala mekem Kristin fren blong yufala filnogud long wanem yufala kaikaim, hemi minim yufala no falom wei blong lav. Kraes hemi dae tu fo sevem Kristin fren ya, so yufala mas no spoelem hem long wanem yufala kaikaim.

1 Korin 14:12

Semsamting nao long yufala. Mi save dat yufala gohed fo traehad long olketa paoa blong Holi Spirit, olsem, yufala mas gohed moa fo yusim olketa kaen paoa wea hemi save helpem evriwan long sios fo kamap strong.

1 Korin 14:17

Nomata sapos disfala prea blong yufala fo tengkiu long God hemi gudwan tumas, bae hemi nating save helpem man ya.

1 Korin 14:26

Nao olketa Kristin fren, wanem mi minim hemi olsem ya. Taem yufala kam tugeta fo prea, evriwan nao i save help. Wanfala hemi save singsing, an narawan hemi save tisim samfala samting, an narawan hemi save talem wanem God hemi bin somaot long hem, an narawan hemi save toktok long olketa spesol kaen langguis, an narawan hemi save talem kam mining blong disfala toktok ya. Evrisamting ya hemi mas helpem biliv blong evriwan.

1 Korin 6:12

Maet wanfala hemi sei, “Mi fri fo duim enisamting nomoa ya.” Diswan hemi tru, bat i no evrisamting nao hemi save helpem yu. So nomata mi fri fo duim evrisamting nomoa, mi mas no letem enisamting fo bosim mi.

1 Korin 8:1

Nao mi laek toktok abaotem mit wea olketa bin sakrifaesim go long olketa laea god. Hemi tru wea samfala pipol olketa sei, “Yumi evriwan garem save.” Bat diskaen save hemi mekem man fo praod nomoa, bat lav nao hemi save mekem biliv blong yumi fo kamap strong.

1 Korin 8:9

Nomata olsem, yufala mas lukaot ya, nogud disfala samting wea yufala fit fo duim, hemi mekem olketa hu i no biliv strong yet fo olketa foldaon long sin.

2 Korin 12:19

Maet yufala tingse mifala raetem olketa samting ya fo somaot dat mifala no duim enisamting rong. !Nomoa ya! Mifala talem olketa samting long wei wea Kraes hemi laekem mifala fo duim long ae blong God. Olketa fren, evrisamting wea mifala bin raetem, mifala raetem fo strongim biliv blong yufala.

Efesas 4:29

Yufala mas no talem eni nogud toktok, bat yufala mas talem nomoa toktok wea hemi save helpem eniwan hu hemi garem nid. Kaen toktok ya nao hemi save blesim olketa hu i herem.

1 Tesalonaeka 5:11

From diswan nao, yufala mas gohed fo strongim tingting blong yufala, an yufala mas helpem yufala evriwan olsem yufala duim distaem.

1 Timoti 1:4

Yu mas talem olketa fo no westem taem fo tokabaotem olketa kastom stori wea i nating tru an olketa longfala stori abaotem olketa laen blong olketa olo long bifoa. Olketa samting ya i mekem pipol fo raoa nomoa long toktok ya, an hemi no mekem pipol fo duim wanem God hemi planem fo olketa duim. Wei blong biliv nomoa hemi save helpem yumi fo falom plan blong God.