1 Korin 1:17 - Pijin Deuterocanon

¹⁷ Kraes hemi sendem mi fo waka fo talemaot Gudnius, an hemi no sendem mi fo baptaesim pipol nomoa. An mi no save talemaot Gudnius long diskaen wei blong olketa man hu i save kleva tumas, nogud disfala dae blong Kraes long kros hemi kamap samting nating nomoa.

Pijin Bible

¹⁷ Kraes hemi sendem mi fo waka fo talemaot Gudnius, an hemi no sendem mi fo baptaesim pipol nomoa. An mi no save talemaot Gudnius long diskaen wei blong olketa man hu i save kleva tumas, nogud disfala dae blong Kraes long kros hemi kamap samting nating nomoa.

1 Korin 1:17 ပူးပေါင်းရင်းမြစ်များ

Gudnius abaotem Jisas Kraes wea Jon hemi raetem 4:1

Olketa Farasi olketa herem dat Jisas hemi go-gohed fo mekem plande pipol fo kam falom hem winim Jon Baptaes, an hemi go-gohed fo baptaesim olketa.

Gudnius abaotem Jisas Kraes wea Jon hemi raetem 4:2

Bat Jisas seleva hemi no baptaesim eniwan ya. Olketa disaepol blong hem nao olketa duim diswan.

Aposol 10:48

So hemi talem olketa pipol wea olketa mas baptaes long nem blong Jisas Kraes. An olketa pipol i askem Pita fo hemi mas stap wetem olketa fo samfala de moa.

1 Korin 2:1

Olketa Kristin fren, taem mi kam long yufala fo talemaot disfala toktok blong God wea hemi bin staphaed, mi no yusim enikaen kleva toktok o bikfala save.

1 Korin 2:13

So taem yumi tokabaotem olketa samting ya, yumi no toktok falom tingting blong man, bat yumi toktok falom wanem Holi Spirit hemi bin tisim yumi long hem. Yumi talemaot olketa tru samting abaotem Holi Spirit long olketa pipol hu i garem Holi Spirit finis.

2 Korin 1:12

Mifala praod bikos tingting blong mifala hemi somaot dat mifala no falom save blong man, bat mifala falom nomoa paoa blong kaenfala lav blong God. Hemi olsem bikos mifala toktru olowe an mifala falom stretfala wei wea God hemi laekem. Oltaem, mifala duim olsem. An taem mifala stap wetem yufala, mifala bin duim olsem tu.

2 Korin 10:10

Maet wanfala man hemi sei, “Pol ya, olketa leta blong hem olketa garem strongfala toktok tumas ya. Bat taem hemi stap wetem yumi, hemi barava wik nomoa an olketa toktok blong hem samting nating nomoa.”

2 Korin 11:6

Nomata mi no savegud tumas fo toktok, bat long Gudnius mi garem evri save. An oltaem mifala bin somaot diswan klia fogud long yufala.

2 Korin 4:2

Mifala lusim go olketa ravis wei wea hemi staphaed, an no save laea, an no save sensim toktok blong God. Nomoa nao. Mifala talemaot nomoa tru toktok olowe, mekem God an olketa pipol i luksave long gudfala wei blong mifala.

2 Pita 1:16

Mifala no falom enikaen olobaot stori, taem mifala talemaot long yufala dat Jisas Kraes Masta blong yumi bae hemi kambaek moa wetem bikfala paoa. Nomoa. Mifala nao lukim long ae blong mifala, taem Kraes hemi garem saen blong bikfala paoa blong God.