1 Kings 4:26 - Pijin Deuterocanon

²⁶ Solomon hemi garem 40,000 rum blong olketa hos wea i pulum kaat fo faet, an 12,000 hos fo olketa soldia.

Pijin Bible

²⁶ Solomon hemi garem 40,000 rum blong olketa hos wea i pulum kaat fo faet, an 12,000 hos fo olketa soldia.

1 Kings 4:26 ပူးပေါင်းရင်းမြစ်များ

2 Samuel 8:4

Ami blong Deved hemi kasholem 1,700 soldia wea i ran long hos, an 20,000 soldia, olketa evriwan i blong Hadadesa ya. An hemi holem 100 hos wea i fit fo pulum kaat fo faet. Bat olketa nara hos, hemi katem string blong lek blong olketa mekem olketa no save wakabaot.

1 Kings 4:27

Olketa tuelfala gavna blong hem i gohed fo sendem kaikai, wanfala fo evri mans long yia. Olketa sendem kaikai ya long hem wetem olketa hu i stap long haos blong hem, mekem olketa no save sot long kaikai.

1 Kings 9:19

An olketa bildim olketa taon fo putum kaikai, an olketa taon fo kipim olketa kaat fo faet an olketa hos blong hem. An olketa bildim olketa narafala samting wea hemi laek fo bildim long Jerusalem, an long Lebanon, an long olketa narafala ples long eria wea hemi king ovarem.

2 Kronikols 1:14

Solomon hemi garem 1,400 kaat fo faet an 12,000 hos. Hemi kipim samfala long Jerusalem, an hemi putum olketa narafala long samfala spesol taon long Israel.

2 Kronikols 9:25

Solomon hemi garem 4,000 ples fo putum olketa kaat fo faet wetem olketa hos blong olketa, an hemi garem 12,000 hos. Hemi kipim samfala long Jerusalem, an hemi putum olketa narafala long samfala spesol taon long Israel.

Sams 20:7

Samfala pipol i gohed fo trastem ami blong olketa, an samfala pipol moa i gohed fo trastem olketa samting fo faet, bat yumi ya, yumi trastem nomoa Yawe hu hemi God blong yumi.

Diutronomi 17:16

An King ya bae hemi mas no garem plande hos long ami blong hem. An hemi mas no sendem olketa man i gobaek long Ijip fo peim olketa hos, bikos Yawe hemi talem finis dat yufala no save gobaek long Ijip moa.