1 Kings 18:32 - Pijin Deuterocanon

³² Nao hemi yusim tuelfala ston ya fo bildim olta moa long nem blong Yawe. An hemi digim wanfala hol fo wata goraon long olta ya. Disfala hol raonem olta ya hemi bikfala fitim fotin lita wata fo stap long hem.

Pijin Bible

³² Nao hemi yusim tuelfala ston ya fo bildim olta moa long nem blong Yawe. An hemi digim wanfala hol fo wata goraon long olta ya. Disfala hol raonem olta ya hemi bikfala fitim fotin lita wata fo stap long hem.

1 Kings 18:32 ပူးပေါင်းရင်းမြစ်များ

Jenesis 12:7

Nao Yawe hemi som hem seleva long Ebram an hemi tok olsem long hem, “Bae mi givim disfala graon ya long pikinini wea bae i bon kam long laen blong yu.” Nao Ebram hemi wakem wanfala olta long ples ya fo wosipim Yawe hu hemi bin som hem seleva long hem.

1 Kings 18:33

Den hemi putum olketa faeawud antap long olta ya. Hemi katem man buluka long olketa smolfala pisis, an hemi putum antap long faeawud ya. Den hemi tok olsem, “Yufala go fulumap wata long fofala bikfala kontena, an yufala kapsaetem go olobaot long mit blong ofaring wetem olketa faeawud ya.” An olketa duim olsem wea hem talem.

1 Kings 18:35

Oraet, wata ya hemi godaon long olta ya, go-go hol raonem hem hemi barava fulap nao.

1 Korin 10:31

Hemi olsem ya, nomata yufala sidaon fo kaikai o yufala dring o yufala duim eni narasamting moa, yufala mas duim evrisamting long wei wea yufala mekhae long God.

Kolosi 3:17

Evrisamting wea yufala duim an evri toktok wea yufala talem, hemi gud fo yufala mas duim long nem blong Jisas Masta blong yumi. An long Kraes nao yufala save talem tengkiu long God Dadi blong yumi.

Jajis 21:4

Den eli moning long neks de, olketa getap an wakem wanfala olta fo bonem olketa deferen kaen sakrifaes fo kamap frengud wetem Yawe.

Jajis 6:24

Nao Gidion hemi wakem wanfala olta fo wosipim Yawe long ples ya, an hemi kolem ples ya “Yawe hemi Givim Piis”. An olta ya hemi stap yet long Ofra long graon blong laen blong Abiesa.

Jajis 6:26

Bihaen, yu mas wakem gud wanfala barava olta fo wosipim mi. Wakem olta ya antap long disfala hil wea sefples blong yufala hemi stap. Nao yu kilim disfala buluka an katem tambu pos ya olsem faeawud fo bonem buluka long olta fo sakrifaes long mi.”

1 Samuel 7:17

Bat oltaem, hemi kambaek long hom blong hem long Rama, an hemi jajem olketa trabol blong olketa pipol ya tu. An long datfala ples hemi wakem wanfala olta fo wosipim Yawe.

1 Samuel 7:9

Den Samuel hemi kilim wanfala smolfala sipsip an hemi ofarem long Yawe olsem sakrifaes wea hemi barava bone. An hemi prea go long Yawe fo hemi helpem olketa. Nao Yawe hemi herem prea blong hem.