1 Kings 13:9 - Pijin Deuterocanon

⁹ Mesij blong Yawe hemi stopem mi fo no kaikai an dring long hia, an mi no save gobaek long sem rod wea mi kam long hem.”

Pijin Bible

⁹ Mesij blong Yawe hemi stopem mi fo no kaikai an dring long hia, an mi no save gobaek long sem rod wea mi kam long hem.”

1 Kings 13:9 ပူးပေါင်းရင်းမြစ်များ

1 Kings 13:1

Wanfala de, Yawe hemi bin talemaot Mesij blong hem long wanfala man blong God long Jiuda. Hemi talem hem fo go long Betel. So man ya hemi go kasem Betel long taem wea Jeroboam hemi stanap long saet long olta fo mekem sakrifaes.

1 Kings 13:10

Den hemi gobaek, bat hemi no falom sem rod wea hemi kam long hem.

1 Kings 13:16

Bat man blong God hemi ansa olsem, “Nomoa, mi no save go wetem yu, an mi no save go insaet long haos blong yu fo kaikai an dring wetem yu.

1 Kings 13:19

So man blong God hemi go wetem hem, an hemi kaikai an dring wetem hem.

1 Kings 13:8

Bat man blong God hemi ansarem king olsem, “Nomata yu givim mi haf long evrisamting blong yu, bae mi no save go wetem yu. An mi no save kaikai an dring wetem yu.

Stori abaotem Job 23:12

Oltaem, mi falom olketa strongfala toktok blong God. Ya, mi barava kipim olketa toktok blong hem long maen blong mi.

Sams 141:4

Plis yu helpem mi fo les long olketa samting wea hemi rong, an helpem mi fo no fren wetem olketa nogud pipol long olketa ravis wei. Ya, plis yu helpem mi mekem mi no kaikaim kaikai wea olketa hiden pipol i ofarem long god blong olketa.

Nambas 16:26

An hemi tok olsem long olketa pipol, “Yufala mas lusim olketa haostent blong olketa ravis man ya. Bikos Yawe bae hemi spoelem olketa from sin blong olketa. Yufala mas no tasim enisamting blong olketa. Sapos nomoa, bae yufala tu i dae wetem olketa.”

Gudnius abaotem Jisas Kraes wea Jon hemi raetem 13:17

Yufala save nao long olketa samting ya, an bae yufala hapi tumas ya sapos yufala falom.

Gudnius abaotem Jisas Kraes wea Jon hemi raetem 15:14

Yufala nao olketa fren blong mi ya, sapos yufala duim wanem mi talem long yufala.

Leta wea Pol hemi raetem go long sios long Rom 16:17

Mi talem strong long yufala olketa Kristin fren, yufala mas lukaot long olketa pipol hu i wande splitim sios an spoelem biliv blong yufala wetem tising wea hemi deferen long olketa tising wea yufala lanem finis. Yufala mas no lisin long olketa.

1 Korin 5:11

Wanem mi barava minim nao hemi olsem, yufala mas no miks wetem eniwan wea hemi sei hemi wanfala Kristin bat long semtaem hemi durong wetem eniwan, o hemi kavetem olketa samting blong nara pipol, o hemi wosipim olketa laea god, o hemi stori nogud abaotem olketa narawan, o hemi man fo drang olowe, o hemi man fo stil. Man olsem ya, nomata fo sidaon tugeta fo kaikai wetem hem, yufala mas no duim.

Efesas 5:11

Yufala mas no duim olketa samting blong tudak, wea hemi olketa ravis samting nomoa. Bat yufala mas somaot nomoa long olketa pipol wea diskaen wei hemi nogud.

Revelesin 18:4

Den mi herem moa nara voes long heven hemi tok olsem, “!Olketa pipol blong mi, yufala mas kamaot from Babilon! Yufala mas no joen wetem hem long olketa sin blong hem, nogud yufala searem nogud panis blong hem.

1 Samuel 15:22

Bat profet hemi tok olsem, “?Wanem nao Yawe hemi laekem? ?Waswe, hemi laekem yu fo obeim toktok blong hem, o fo yu mekem sakrifaes wea hemi barava bone? Fo yu obeim hem hemi moabeta winim sakrifaes. Fo yu lisin long hem hemi moabeta winim gris blong sipsip long sakrifaes.