1 Kings 10:3 - Pijin Deuterocanon

³ Solomon hemi ansarem evri kuestin ya. No enisamting hemi had tumas long hem fo talemaot mining blong hem.

Pijin Bible

³ Solomon hemi ansarem evri kuestin ya. No enisamting hemi had tumas long hem fo talemaot mining blong hem.

1 Kings 10:3 ပူးပေါင်းရင်းမြစ်များ

2 Samuel 14:17

An mi save tu olsem promis blong yu bae hemi save mekem mi fo stap gudfala, bikos yu masta, yu olsem enjel blong God, an yu save luksave long samting wea hemi gud an samting wea hemi nogud. !Letem Yawe, God blong yu, hemi stap wetem yu!”

2 Samuel 14:20

Joab hemi duim fo stretem samting ya nomoa. Masta blong mi, yu nao yu waes olsem enjel blong God wea hemi save evrisamting wea hemi kamap long disfala kantri.”

1 Kings 10:1

Nao Kuin long Seba hemi herem nius wea Yawe hemi mekem King Solomon fo garem barava biknem, so hemi kam fo lukim hem long Jerusalem. Hemi askem olketa had kuestin long king fo testem waes blong hem.

1 Kings 10:2

Hemi tekem kam plande pipol wetem hem, an hemi putum plande samting long olketa kamel blong hem. Hemi garem olketa samting wea i smel naes fo wakem insens, an olketa ston wea hemi luknaes fogud, an plande gol tumas. Taem hemi kam lukim Solomon, hemi askem olketa kuestin long hem.

1 Kings 10:4

Nao kuin ya hemi luksave long waes blong hem, an hemi lukim bikfala haos blong hem wea hemi bildim.

1 Kings 3:12

So bae mi duim wanem yu askem. Bae mi mekem yu waes moa an garem save moa, winim olketa pipol hu i bon fastaem long yu, an olketa hu bae i bon kam bihaen long yu.

2 Kronikols 9:2

Solomon hemi ansarem evri kuestin ya. No enisamting hemi had tumas long hem fo talemaot mining blong hem.

Provebs 13:20

Fren wetem waes man, bae yu waes. Fren wetem krangge man, bae yu safa.

Aesaea 42:16

Bae mi lidim olketa pipol blong mi hu i blaen fo falom olketa rod wea olketa nating save long hem. Bae mi mekem disfala tudak wea olketa stap insaet long hem fo kamap olsem delaet, an bae mi levolem olketa raf rod fo olketa. Hem nao olketa samting wea mi promis fo duim, an bae mi duim nao wanem mi bin promisim.

Matiu 13:11

Nao Jisas hemi sei long olketa, “Mi duim olsem bikos God hemi bin givim finis save long yufala fo luksave long olketa tru samting wea hemi staphaed insaet long kingdom long Heven. Bat olketa pipol ya, God hemi no givim save long olketa.

Gudnius abaotem Jisas Kraes wea Jon hemi raetem 7:17

Man hu hemi wiling fo duim wanem God hemi laekem, bae hemi save luksave long tising blong mi. An bae hemi save sapos tising ya hemi stat kam long God o sapos hemi stat kam long tingting blong mi seleva nomoa.

1 Korin 1:30

God nao hemi mekem yufala fo kamap joen wetem Jisas Kraes. An long Kraes nao hemi mekem yumi fo kamap barava waes, an fo kamap stret long ae blong hem seleva, an fo kamap olketa spesol pipol blong hem. Bikos Kraes nao hemi peimaot yumi from olketa sin blong yumi.

Kolosi 2:3

An Kraes nao hemi save somaot klia evri gudfala samting blong waes tingting an save blong God wea hemi staphaed fastaem.