1 Jon 5:18 - Pijin Deuterocanon

¹⁸ Yumi save dat eniwan hu hemi bon kam olsem pikinini blong God, hemi no gohed fo sin. Bikos San blong God hemi lukaftarem hem, hem nao Seitan hemi no save spoelem hem.

Pijin Bible

¹⁸ Yumi save dat eniwan hu hemi bon kam olsem pikinini blong God, hemi no gohed fo sin. Bikos San blong God hemi lukaftarem hem, hem nao Seitan hemi no save spoelem hem.

1 Jon 5:18 ပူးပေါင်းရင်းမြစ်များ

Sams 119:101

Mi no save falom olketa nogud wei, bikos mi laek fo obeim olketa tru toktok blong yu.

Sams 119:3

Olketa ya i nating duim enisamting rong, an oltaem nomoa olketa falom trufala wei blong yu.

Sams 17:4

Mi no save toktok nogud olsem olketa narafala pipol i duim. Mi bin obeim olketa toktok blong yu, an mi nating falom olketa wei fo faet.

Sams 18:23

Hemi save dat mi nating duim eni rong samting, an mi bin gohed fo no duim enisamting nogud.

Sams 39:1

Mi bin tok olsem, “Mi mas lukaot gudfala fo no talem eni toktok wea hemi no stret. An mi mas no letem maos blong mi fo mekem mi sin. Taem olketa nogud pipol i stap kolsap long mi, bae mi no tokabaotem trabol blong mi.”

Provebs 4:23

Kontrolem tingting long haat blong yu, laef blong yu hemi kamaot long hem.

Levitikas 11:37

Sapos animol wea hemi dae hemi foldaon long olketa enikaen sid fo plantem, oraet, olketa sid ya i klin yet long ae blong mi.

Matiu 5:37

So taem yufala mekem promis, yufala mas talem nomoa ‘Ya, bae mi duim,’ o yufala mas talem ‘Nomoa, bae mi no duim.’ Sapos yufala yusim nem blong narasamting moa, oraet, diskaen hemi kam from Seitan nao ya.”

Matiu 6:13

Yu no letem enikaen samting kam fo traem mifala, bat yu sevem mifala from paoa blong Seitan.

Gudnius abaotem Jisas Kraes wea Jon hemi raetem 1:13

Olketa i no bon kam olsem pikinini wea hemi bon long blad blong mami an dadi, bat God nao hemi mekem olketa fo kamap pikinini blong hem.

Gudnius abaotem Jisas Kraes wea Jon hemi raetem 14:30

Mi no save stori longtaem moa wetem yufala ya, bikos Seitan hu hemi rulim disfala wol ya hemi ka-kam nao. Hemi no garem paoa ovarem mi ya.

Gudnius abaotem Jisas Kraes wea Jon hemi raetem 15:4

Yufala mas joen olowe long mi, mekem mi joen olowe long yufala. Eni brans wea hemi no joen long grep tri, bae hemi had fo hemi garem frut long hem ya. Bat sapos hemi joen olowe long grep tri ya, bae hemi save garem frut. Yufala olsem tu, sapos yufala no joen olowe long mi, bae yufala no save garem eni frut.

Gudnius abaotem Jisas Kraes wea Jon hemi raetem 15:7

Sapos yufala joen olowe long mi an olketa toktok blong mi hemi stap olowe long yufala, yufala save askem enisamting wea yufala laekem an bae God hemi givim long yufala.

Gudnius abaotem Jisas Kraes wea Jon hemi raetem 15:9

Mi lavem yufala olsem Dadi blong mi hemi lavem mi tu. So yufala mas joen olowe long mi, mekem mi save lavem yufala.

Aposol 11:23

Taem hemi kasem taon ya nomoa, hemi lukim dat God hemi bin blesim olketa pipol ya finis, so hemi barava hapi tumas nao. An hemi tokstrong long olketa fo olketa mas gohed oltaem fo obeim tru Masta blong yumi.

Jemes 1:18

God hemi falom nao plan blong hem, so hemi givim yumi laef long disfala tru toktok. Hemi duim olsem, mekem yumi kamap nambawan winim eni narasamting wea hemi mekem.

Jemes 1:27

Bat gudfala wei blong Kristin wea hemi barava stret long God Dadi blong yumi, hem nao fo helpem olketa wido woman an olketa pikinini wea mami an dadi blong olketa i dae finis, an fo no letem olketa ravis samting long wol fo spoelem gudfala laef blong yumi.

1 Pita 1:23

Toktok blong God hemi garem laef an hemi save stap olowe. Disfala toktok, hemi helpem yufala fo bon moa long niu laef. Long laef ya, Dadi blong yufala hemi no save dae bat hemi stap evritaem an olowe.

1 Jon 2:29

Yufala save nao dat wei blong Kraes hemi barava stret. So eniwan hu wei blong hem hemi barava stret, hem nao hemi bon kam olsem pikinini blong God nao.

1 Jon 3:12

So yumi mas no olsem Kein hu hemi blong Seitan an hemi kilim dae brata blong hem Ebol. ?An waswe nao Kein hemi kilim dae brata blong hem? Hemi kilim hem dae bikos wei blong hem seleva hemi nogud, bat wei blong brata blong hem hemi stret fogud.

1 Jon 3:3

So evriwan hu i weitem Kraes fo kambaek, olketa gohed fo kipim laef blong olketa klin from sin, olsem Kraes hemi barava klin.

1 Jon 3:9

Eniwan hu hemi kamap pikinini blong God, bae hemi no save gohed long wei blong sin, bikos God seleva nao hemi stap joen wetem hem. An bikos God nao hemi Dadi blong hem, hemi no save gohed long wei blong sin.

1 Jon 4:6

Bat yumi blong God nao. Eniwan hu hemi savegud long God, hem nao hemi save lisin long toktok blong yumi. Bat eniwan hu hemi no blong God, hemi nating save lisin long toktok blong yumi tu. So long disfala wei ya nao yumi save luksave sapos eniwan hemi garem Holi Spirit wea hemi barava tru, o sapos hemi garem enemi blong Kraes wea hemi save laea tumas.

1 Jon 5:1

Evriwan hu i biliv dat Jisas nao hemi disfala Kraes, olketa nao i bon kam olsem pikinini blong God. An evriwan hu i lavem Dadi blong yumi, olketa lavem olketa pikinini blong hem tu.

1 Jon 5:15

Bikos God save herem yumi taem yumi askem hem, yumi save tu dat hemi save givim yumi wanem yumi askem long hem.

1 Jon 5:19

An yumi save dat yumi nao i pipol blong God, bat olketa pipol blong disfala wol i stap andanit long paoa blong Seitan.

1 Jon 5:20

An yumi save tu dat San blong God hemi bin kam long disfala wol fo givim gudfala save long yumi, mekem yumi save long tru God. An yumi stap joen wetem tru God taem yumi stap joen wetem San blong hem Jisas Kraes. God nao hemi tru an hem nao hemi givim yumi disfala tru laef wea hemi no save finis.

1 Jon 5:21

Olketa pikinini blong mi, yufala mas lukaot gudfala, nogud yufala trastem olketa tambu kaving.

1 Jon 5:4

bikos yumi evri pikinini blong God yumi save winim wei blong disfala wol. Yumi biliv long God, dastawe nao yumi winim nogud wei blong disfala wol.

Jiud 1:21

An yufala mas gohed fo stap gudfala long wei wea hemi fitim fo pipol wea God hemi lavem olketa. An yufala mas trastem Jisas Kraes Masta blong yumi, wea bae hemi sore an kaen long yufala an givim yufala tru laef wea hemi no save finis.

Jiud 1:24

!Yumi preisim God! Hem nomoa save mekem yumi fo no foldaon long sin. Hem nomoa save mekem yumi kam insaet long laet long bikfala paoa blong hem. Hem nomoa save mekem yumi fo no garem enisamting rong long laef blong yumi. Hem nomoa save mekem yumi barava hapi.

Revelesin 2:13

Mi save finis dat yufala stap long ples wea Seitan hemi rul ovarem, bat yufala nao i stanap long saet blong mi. Olketa long taon blong yufala wea Seitan hemi stap long hem, olketa bin kilim dae Antipas hu hemi save talemaot stret toktok blong mi. Bat nomata hem olsem long taem ya, yufala nating lusim biliv blong yufala long mi.